ഹരിത കര്‍മ്മസേനാംഗങ്ങള്‍ക്കും ശുചീകരണ ജീവനക്കാര്‍ക്കും ഏകദിന പരിശീലനവുമായി കൊയിലാണ്ടി നഗരസഭ
കൊയിലാണ്ടി: നഗരസഭയിലെ ഹരിത കര്‍മ്മസേനാംഗങ്ങള്‍ക്കും ശുചീകരണ ജീവനക്കാര്‍ക്കും ഏകദിന പരിശീലനം സംഘടിപ്പിച്ചു. രാവിലെ 10 മണിക്ക് ഇ.എം.എസ് ടൗണ്‍ഹാളില്‍ നഗരസഭ ചെയര്‍പേഴ്‌സന്‍ സുധ.കെ.പി ഉദ്ഘാടനം ചെയ്തു.
ഹെല്‍ത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ശ്രീമതി പ്രജില സി.അധ്യക്ഷത വഹിച്ചു. സ്റ്റാന്‍ഡിങ് കമ്മിറ്റി ചെയര്‍മാന്‍മാരായ കെ.ഷിജു മാസ്റ്റര്‍, ഇന്ദിര ടീച്ചര്‍, കൗണ്‍സിലര്‍മാരായ ഫക്രുദ്ദീന്‍ മാസ്റ്റര്‍, വത്സരാജ്, ഹെല്‍ത്ത് ഇന്‍സ്‌പെക്ടര്‍ ജമീഷ് മുഹമ്മദ്, നഗരസഭ ക്ലീന്‍സിറ്റി മാനേജര്‍ ഇ.ബാബു സ്വാഗതവും സീനിയര്‍ ഹെല്‍ത്ത് ഇന്‍സ്‌പെക്ടര്‍ കെ.റിഷാദ് നന്ദിയും പറഞ്ഞു.
ഹെല്‍ത്ത് ഇന്‍സ്‌പെക്ടര്‍ ടി.പി.ബിജു ‘നവ കേരള നിര്‍മിതിയില്‍ ഹരിതകര്‍മ്മ സേനയുടെ പങ്ക് ‘എന്ന വിഷയത്തിലും’ ഇ.ടി.അനില്‍കുമാര്‍ ‘മാറുന്ന കാലത്ത് ഹരിത കര്‍മ്മസേന പ്രവര്‍ത്തനം’ എന്ന വിഷയത്തിലും ക്ലാസ് എടുത്തു.