കേരള റിസോഴ്‌സ് ടീച്ചേഴ്‌സ് അസോസിയേഷന്റെ ജില്ലാ പഠന ക്യാമ്പ് കൊയിലാണ്ടിയില്‍
കൊയിലാണ്ടി: കേരള റിസോഴ്‌സ് ടീച്ചേഴ്‌സ് അസോസിയേഷന്‍ ജില്ലാ കമ്മിറ്റി കൊയിലാണ്ടിയില്‍ വച്ച് ജില്ലാ പഠന ക്യാമ്പ് സംഘടിപ്പിച്ചു. പഠന ക്യാമ്പ് കൊയിലാണ്ടി നിയോജക മണ്ഡലം എം.എല്‍.എ കാനത്തില്‍ ജമീല ഉദ്ഘാടനം ചെയ്തു.
ജില്ലാ പ്രസിഡന്റ് ബി.ശ്രീകല അധ്യക്ഷയായിരുന്നു. സെക്രട്ടറി എല്‍.കെ.അഖില്‍ കുമാര്‍ സ്വാഗതവും സംസ്ഥാന സെക്രട്ടറി വി.സജിന്‍കുമാര്‍, സംസ്ഥാന കമ്മിറ്റി അംഗം വി.കെ.കിരണ്‍രാജ് എന്നിവര്‍ ആശംസകള്‍ അര്‍പ്പിച്ചു സംസാരിച്ചു. ജില്ലാ ട്രഷറര്‍ സ്‌റെല്ലാ മാര്‍ഗരറ്റ് നന്ദി പറഞ്ഞു. വിവിധ വിഷയങ്ങളില്‍ ക്ലാസുകള്‍ അവതരിപ്പിക്കുകയുണ്ടായി. കെ.എസ്.ടി.എ ജില്ലാ നിര്‍വാഹക സമിതി അംഗം ജയകൃഷ്ണന്‍ മാസ്റ്റര്‍, കെ.ആര്‍.ടി.എ സംസ്ഥാന സെക്രട്ടറി സജിന്‍കുമാര്‍, ഡി.വൈ.എഫ്.ഐ ജില്ലാ കമ്മിറ്റി അംഗം പി.എം.അജിഷ എന്നിവര്‍ ക്ലാസുകള്‍ നയിച്ചു.