കൊയിലാണ്ടി: കടയുടെ പിന്നിൽ കൂട്ടിയിട്ടിരുന്ന ചകിരിക്കു തീപിടിച്ചു. നമ്പ്രത്തുകരയിലെ ടേസ്റ്റി ചിപ്സ് ബേക്കറിക്ക് പിന്നിൽ ആണ് തീപിടുത്തമുണ്ടായത്. കടയുടെ പുറകുവശത്തായി കൂട്ടിയിട്ടിരുന്ന ചകിരിയ്ക്കു തീപിടിക്കുകയായിരുന്നു.

ഇന്നലെ രാത്രി 11 മണിയോടെ കൂടിയാണ് സംഭവം. പുക ഉയരുന്നത് കണ്ട് ഓടിയെത്തിയവർ അഗ്നിരക്ഷാ സേനയെ വിവരമറിയിക്കുകയായിരുന്നു. അഗ്നിരക്ഷാസേന എത്തി വെള്ളം ഉപയോഗിച്ച് തീയണച്ചു. കടയ്ക്കു വലിയ തോതിലുള്ള നാശ നഷ്ട്ടങ്ങൾ ഉണ്ടായിട്ടില്ല.

സ്റ്റേഷൻ ഓഫീസർ സി പി ആനന്തിന്റെ നേതൃത്വത്തിൽ ഗ്രേഡ് എ.എസ്.ടി.ഓ മജീദ്, ഫയർ ആൻഡ് റെസ്ക്യൂ ഓഫീസർമാരായ നിധിപ്രസാദ് ഇ.എം, ധീരജ്ലാൽ പി.സി, സജിത്ത് പി, ഹോംഗാർഡ് മാരായ രാജീവ് വി.ടി, ടി.പി ബാലൻ എന്നിവർ രക്ഷാപ്രവർത്തനത്തിൽ ഏർപ്പെട്ടു.