നടുവണ്ണൂര്‍: വാകയാട് കൊന്നത്ത് കണ്ടി ഷാമില്‍ അന്തരിച്ചു. ഇരുപത്തിയാറ് വയസായിരുന്നു. മസ്തിഷ്‌ക രോഗം ബാധിച്ച് ചികിത്സയിലിരിക്കെ കോഴിക്കോട്ടെ സ്വകാര്യ ആശുപത്രിയില്‍ വച്ചായിരുന്നു അന്ത്യം.

ദുബായിലെ മലബാര്‍ ഗോള്‍ഡില്‍ ജോലി ചെയ്ത് വരികയായിരുന്നു. ഇതിനിടെയാണ് രോഗം ബാധിച്ച് ദുബായിലെ റാഷിദ് ആശുപത്രിയില്‍ പ്രവേശിപ്പിച്ചത്. തുടര്‍ന്ന് ചൊവ്വാഴ്ച ഉച്ചയോടെയാണ് കോഴിക്കോട്ടെ ആശുപത്രിയിലേക്ക് മാറ്റിയത്. ബുധനാഴ്ച പുലര്‍ച്ചയോടെ അന്ത്യം സംഭവിക്കുകയായിരുന്നു.

ഇബ്രാഹിമിന്റെയും അസ്മയുടെയും മകനാണ്. സഹോദരന്‍ ഷമീം. സഹോദരി സുബിന. സഹോദരീ ഭര്‍ത്താവ് ഷാജി (മലബാര്‍ ഗോള്‍ഡ്).