അവരിനി സ്വയം പ്രതിരോധിക്കും; ഉണ്ണിയാർച്ചകളാകാൻ തിരുവങ്ങൂര്‍ യു.പി സ്കൂൾ വിദ്യാർത്ഥിനികൾ
ചേമഞ്ചേരി: ഇനി ഒന്നിനെയും ഭയക്കേണ്ടതേയില്ല, ഉണ്ണിയാർച്ചകളാകാൻ ഒരുങ്ങി തിരുവങ്ങൂര്‍ യു.പി സ്കൂൾ വിദ്യാർത്ഥിനികൾ.
തിരുവങ്ങൂര്‍ യു.പി സ്‌കൂളില്‍ ‘ഉണ്ണിയാര്‍ച്ച’ പദ്ധതിക്ക് തുടക്കമായി. സ്വയം പ്രതിരോധത്തിനായി ആയോധനകലകളും യോഗ, കൗണ്‍സിലിങ്, ഭക്ഷണരീതിയും ആരോഗ്യവും, സമൂഹമാധ്യമവും പെണ്‍കുട്ടികളും തുടങ്ങി 15 ക്ലാസുകളാണ് പദ്ധതിയില്‍ ഉള്‍പ്പെടുത്തിയിരിക്കുന്നത്.
മീനാക്ഷിയമ്മ ഗുരുക്കള്‍ ഉദ്ഘാടനം ചെയ്തു. പി.ടി.എ പ്രസിഡന്റ് ശശികുമാര്‍ അധ്യക്ഷനായി.
കൊയിലാണ്ടി ഉപജില്ലാ വിദ്യാഭ്യാസ ഓഫീസര്‍ പി.പി.സുധ, പദ്ധതി കോ-ഓര്‍ഡിനേറ്റര്‍ വി.എച്ച്.ഹരീഷ്, കെ.ഷൈനിമ, അഖില പ്രദീപ് എന്നിവര്‍ സംസാരിച്ചു. എ.ആര്‍.ഷമീര്‍ സ്വാഗതവും ബ്രിജില നന്ദിയും പറഞ്ഞു.