ചേമഞ്ചേരി: വരയും വർണ്ണവുമായി ചേമഞ്ചേരിയിലെ കുട്ടികൾ പരിസ്ഥിതി ദിനം ആഘോഷിച്ചു. ലോക പരിസ്ഥിതി ദിനാചരണത്തിന്റെ ഭാഗമായി സാരഥി തുവ്വക്കോടിന്റെ ആഭിമുഖ്യത്തിലാണ് ചിത്രരചനാ ക്യാമ്പ് സംഘടിപ്പിച്ചത്. യുവ സാഹിത്യകാരി വിനീത മണാട്ട് വൃക്ഷത്തൈ നട്ടുകൊണ്ട് പരിപാടി ഉദ്ഘാടനം ചെയ്തു.

ചുമർചിത്ര കലാകാരന്മാരായ പി.കെ.അനിൽകുമാർ, ടി.കെ.മനീഷ് , ത്രീ ഡി ആനിമേഷൻ കലാകാരൻ സൂരജ്കുമാർ ചേലിയ എന്നിവരാണ് ക്യാമ്പിന് നേതൃത്വം നൽകിയത്. വരയയുടെ ബാലപാഠങ്ങൾ പകർന്നു നൽകുന്നതിനോടൊപ്പം തന്നെ കുട്ടികളുടെ സംശയങ്ങൾക്ക് ദുരീകരിച്ചു നൽകി.

ടി.കെ സുധാകരൻ മാസ്റ്റർ അധ്യക്ഷത വഹിച്ചു. ചടങ്ങിൽ ബി.എസ് ശുഭരാജ്, കെ.ടി ജിതിൻകുമാർ, കെ ലാലു എന്നിവർ സംസാരിച്ചു.