ചേമഞ്ചേരി റെയില്‍വേ സ്‌റ്റേഷന് സമീപം ദേശീയപാതയില്‍ ഓടിക്കൊണ്ടിരുന്ന ലോറി തലകീഴായി മറിഞ്ഞു
കൊയിലാണ്ടി: ദേശീയ പാതയില്‍ ഓടികൊണ്ടിരുന്ന ലോറി തലകീഴായ് മറിഞ്ഞു. ഇന്നു കാലത്ത് ചേമഞ്ചേരി റെയില്‍വെ സ്റ്റേഷനു സമീപമായിരുന്നു അപകടം. കോഴിക്കോട് ഭാഗത്ത് നിന്നു വടകര ഭാഗത്തെക്ക് ലോഡുമായിപോവുകയായിരുന്ന കെ.എല്‍ 18 ഡ6675 നമ്പര്‍ ഐഷര്‍ ലോറിയാണ് മറിഞ്ഞത്.
ഓടികൊണ്ടിരിക്കെ ടയര്‍ പൊട്ടിയതിനെ തുടര്‍ന്ന് തലകീഴായ് മറിയുകയായിരുന്നു. ആര്‍ക്കും പരിക്കില്ല. അപകടത്തെ തുടര്‍ന്ന് ദേശീയപാതയില്‍ ഗതാഗത തടസ്സമുണ്ടായി. കൊയിലാണ്ടി ട്രാഫിക് പോലീസ് എത്തി ഗതാഗതം സുഗമമാക്കി.
[bot2]