പരീക്ഷ എഴുതാനെത്തിയ പത്താംക്ലാസ് വിദ്യാര്‍ത്ഥികള്‍ തമ്മില്‍ ചേരിതിരിഞ്ഞ് സംഘര്‍ഷം; മൂന്ന് വിദ്യാര്‍ത്ഥികള്‍ക്ക് കുത്തേറ്റു
മലപ്പുറം : മലപ്പുറം പെരിന്തല്‍മണ്ണയില്‍ ചേരിതിരിഞ്ഞ് ഏറ്റുമുട്ടി പത്താംക്ലാസ് വിദ്യാര്‍ത്ഥികള്‍. താഴെക്കോട് പി ടി എം ഹയര്‍ സെക്കന്‍ഡറി സ്‌കൂളിലാണ് പരീക്ഷ എഴുതാനെത്തിയ പത്താംക്ലാസ് മലയാളം – ഇംഗ്ലീഷ് മീഡിയം വിദ്യാര്‍ത്ഥികള്‍ തമ്മില്‍ ഏറ്റുമുട്ടിയത്.
ആക്രമണത്തില്‍ മൂന്ന് വിദ്യാര്‍ത്ഥികള്‍ക്ക് കുത്തേറ്റു. തലയ്ക്കും സാരമായ പരിക്കേറ്റിട്ടുണ്ട്. വിദ്യാര്‍ത്ഥികളില്‍ ഒരാള്‍ കത്തി ഉപയോഗിച്ച് കുത്തി പരിക്കേല്‍പ്പിക്കുകയായിരുന്നു.
പത്താം ക്ലാസ്സ് വിദ്യാര്‍ത്ഥികളായ ഫര്‍ഹാന്‍, മുഹമ്മദ് അജ്മല്‍, മുഹമ്മദ് റിസ് ലാന്‍ എന്നിവര്‍ക്കാണ് പരിക്കേറ്റത്. പരിക്കേറ്റ വിദ്യാര്‍ത്ഥികളെ മഞ്ചേരി മെഡിക്കല്‍ കോളേജിലേക്ക് മാറ്റി. മൂന്ന് വിദ്യാര്‍ത്ഥികള്‍ ചേര്‍ന്നാണ് ആക്രമിച്ചത്.