ചെങ്ങോട്ട്കാവ്: ഇഫ്താർ മീറ്റും ജനറൽബോഡി യോഗവും സംഘടിപ്പിച്ച് മഹാത്മാഗാന്ധി സേവാഗ്രാം . ജില്ലാ കോണ്‍ഗ്രസ് പ്രസിഡണ്ട് അഡ്വ.പ്രവീണ്‍ കുമാര്‍ ഇഫ്താര്‍ സംഗമം ഉദ്ഘാടനം ചെയ്തു. മുന്‍ പഞ്ചായത്ത് പ്രസിഡണ്ട് കൂമുള്ളി കരുണാകരന്റെ അദ്ധ്യക്ഷതയില്‍ നടന്ന ചടങ്ങില്‍ അസീസ് മാസ്റ്റര്‍ മുഖ്യ പ്രഭാഷണവും റമളാന്‍ സന്ദേശവും നല്‍കി.

കൂടാതെ മഹാത്മാഗാന്ധി സേവാഗ്രാം ജനറല്‍ ബോഡി യോഗവും സ്‌കൂളില്‍ വെച്ച് നടന്നു. യോഗത്തില്‍ കഴിഞ്ഞകാല പ്രവര്‍ത്തനങ്ങള്‍ വിശദീകരിച്ചു. തുടര്‍ന്ന് പുതിയ കമ്മിറ്റി ഭാരവാഹികളെയും എക്‌സിക്യുട്ടിവ് അംഗങ്ങളെയും തിരഞ്ഞെടുത്തു.
പ്രസിഡണ്ടായി വി.പി പ്രമോദിനെയും, ജനറല്‍ സെക്രട്ടറിയായി ടി.വി സാദിഖിനെയും , ട്രഷറര്‍ യു.വി ശശിധരനെയും, വൈസ് പ്രസിഡണ്ടുമാരായി സി.വി അഖില്‍ , പി.സി അബ്ദുള്ള എന്നിവരെയും, സെക്രട്ടറിമാരായി അഭിനവ് കണക്കശ്ശേരി, മുഹമ്മദ് റാഫി എന്നിവരെയും തിരഞ്ഞെടുത്തു.

ചടങ്ങിന് ആശംസകള്‍ അര്‍പ്പിച്ച് കൊണ്ട് ബ്ലോക്ക് കോണ്‍ഗ്രസ് പ്രസിഡന്റ് മുരളി തൊറോത്ത്, മുസ്ലിം ലിഗ് നിയോജക മണ്ഡലം വൈസ് പ്രസിഡണ്ട് ഇജ അലി ,കോണ്‍ഗ്രസ് മണ്ഡലം പ്രസിഡന്റ് വി.പി. പ്രമോദ് മുസ്ലിം ലീഗ് പഞ്ചായത്ത് പ്രസിഡണ്ട് ഹംസ ഹദിയ, മുസ്ലിംലീഗ് പഞ്ചായത്ത് സെക്രട്ടറി ലത്തീഫ് കവലാട്, മുന്‍ പഞ്ചായത്ത് പ്രസിഡണ്ട് ഷാനി പി.വി , ഷഹീര്‍ ഗാലക്‌സി, അഖില്‍ സിവി തുടങ്ങിയവര്‍ സംസാരിച്ചു.