കൊയിലാണ്ടിയില്‍ സ്വകാര്യ ബസ് തട്ടി മരിച്ചത് അരിക്കുളം യു.പി സ്‌കൂള്‍ റിട്ടയേര്‍ഡ് അധ്യാപകന്‍; അപകടം റോഡ് മുറിച്ചുകടക്കുന്നതിനിടെ
കൊയിലാണ്ടി: കൊയിലാണ്ടിയില്‍ സ്വകാര്യ ബസ് തട്ടി മരിച്ചത് റിട്ടയേര്‍ഡ് അധ്യാപകന്‍. പന്തലായനി ആരാമത്തില്‍ കാനാച്ചേരി അശോകന്‍ ആണ് മരിച്ചത്. എഴുപത്തിയാറ് വയസ്സായിരുന്നു. അരിക്കുളം യു.പി സ്‌കൂള്‍ അധ്യാപകനായിരുന്നു.
ഇന്ന് ഉച്ചയ്ക്ക് ഒരു മണിയോടെയാണ് അപകടം നടന്നത്.
കൊയിലാണ്ടി മാര്‍ക്കറ്റിന് സമീപം റോഡ് ക്രോസ് ചെയ്യുന്നതിനിടെ കോഴിക്കോട് ഭാഗത്തേക്ക് പോകുന്ന കൃതിക ബസ് തട്ടിയാണ് അപകടം ഉണ്ടായത്. അപകടത്തില്‍ തലയ്ക്ക് പരിക്കേറ്റ അശോകനെ നാട്ടുകാര്‍ ചേര്‍ന്ന് കൊയിലാണ്ടി താലൂക്കാശുപത്രിയിലും, തടര്‍ന്ന് കോഴിക്കോട് മെഡിക്കല്‍ കോളജിലും എത്തിച്ചെങ്കിലും ജീവന്‍ രക്ഷിക്കാനായില്ല.
മൃതദേഹം കോഴിക്കോട് മെഡിക്കല്‍ കോളേജില്‍ പോസ്റ്റ്മാര്‍ട്ടത്തിന് ശേഷം സംസ്‌ക്കരിക്കും.
ഭാര്യ: രാധ (റിട്ട. അധ്യാപിക വീമംഗലം സ്‌കൂള്‍).
മക്കള്‍: രസിത, രോഷ്‌നി.
മരുമകന്‍: ജിതേഷ് (കോമത്തുകര).