പേരാമ്പ്ര: പേരാമ്പ്ര എ.യു.പി സ്കൂളിലെ വിദ്യാർത്ഥികൾ തയ്യാറാക്കിയ കുട്ടികളുടെ പത്രം ‘മർമ്മരം’ പ്രകാശനം ചെയ്തു. കുട്ടികളുടെ സർഗവാസനകൾ പരിപോഷിപ്പിക്കുന്നതിന്റെ ഭാഗമായാണ് കുട്ടികളുടെ പത്രം ഒരുക്കിയത്. ബി.പി.സി നിത വി.പി പത്രം പ്രകാശനം ചെയ്തു.

കൊറോണ ഘട്ടത്തിൽ ഓൺലൈൻ വായനയും,കലോത്സവവും ഉൾപ്പെടെ നിരവധി പരിപാടികൾ നടത്തിയ പേരാമ്പ്ര എ.യു.പി സ്കൂളിലെ മറ്റൊരു വേറിട്ട പദ്ധതിയാണ് കുട്ടികളുടെ പത്രം. ചടങ്ങിൽ പി.ടി.എ പ്രസിഡൻ്റ് ജയരാജൻ കെ.പി അധ്യക്ഷത വഹിച്ചു. ഗ്രാമ പഞ്ചായത്ത് പ്രസിഡൻ്റ് വി.കെ.പ്രമോദ്, ഗ്രാമ പഞ്ചായത്ത് അംഗം ജോന.പി, പ്രധാനാധ്യാപിക കെ.പി.മിനി, ലതിക വിനോദ്, വിശ്വനാഥൻ മാസ്റ്റർ, വി.പി.ചന്ദ്രി, സി.പി.എ.അസീസ്, ടി.കെ.ഉണ്ണികൃഷ്ണൻ തുടങ്ങിയവർ സംസാരിച്ചു.