എട്ട് ദിവസം നീണ്ടുനിന്ന കൊയിലാണ്ടി ഗ്രാമീണ വിപണന മേളയ്ക്ക് സമാപനം
കൊയിലാണ്ടി: എട്ടുദിവസങ്ങളിലായി കൊയിലാണ്ടിയില്‍ സംഘടിപ്പിച്ച വിപണന മേള സമാപിച്ചു. നബാര്‍ഡും കൊയിലാണ്ടി സര്‍വ്വിസ് സഹകരണ ബേങ്കും വടകര കോക്കനട്ട് ഫാര്‍മോഴ്‌സ് പ്രെഡ്യൂസര്‍ കമ്പനിയും കേരള ഗ്രാമീണ ബേങ്കും സംയുക്തമായായിരുന്നു മേള സംഘടിപ്പിച്ചത്.
കൊയിലാണ്ടി സര്‍വ്വീസ് സഹകരണ ബാങ്ക് ഈവനിങ്ങ് ബ്രാഞ്ച് ഗ്രൗണ്ടില്‍ നടന്നു വന്ന ഗ്രാമീണ വിപണനമേള സമാപന ചടങ്ങില്‍ കമ്പനി ചെയര്‍മാന്‍ പ്രൊഫ ഇ.ശശീന്ദ്രന്‍ അധ്യക്ഷത വഹിച്ചു. സഹകരണ ബാങ്ക് പ്രസിഡണ്ട് അഡ്വ: കെ.വിജയന്‍, വൈസ് പ്രസിഡണ്ട് മുരളി തോറോത്ത്, കമ്പനി പ്രതിനിധികളായ വിപിന്‍ കുമാര്‍, സദാന്ദന്‍, കരുണാകരന്‍ മാസ്റ്റര്‍, ടി.ബാലന്‍, അനന്ദന്‍, ബേങ്ക് ഡയറക്ടര്‍മാരായ സി.പി. മോഹനന്‍, ഉണ്ണികൃഷ്ണന്‍ മരളൂര്‍, പ്രകാശന്‍ നെല്ലിമടത്തില്‍, പി.വി. വത്സന്‍, എം.പി ഷംനാസ്, ടി. ഐശ്വര്യ, ടി.പി. ശൈലജ എന്നിവര്‍ പ്രസംഗിച്ചു. തുടര്‍ന്ന് വിവിധ കലാപരിപാടികളും അരങ്ങേറി.