ജയചന്ദ്രന്റെ ഗാനങ്ങളില്‍ ലയിച്ചു ചേര്‍ന്ന് ആസ്വാദകര്‍; അനുസ്മരണ പരിപാടിയുമായി കൊയിലാണ്ടിയിലെ സെല്ലോ മ്യൂസിക്
കൊയിലാണ്ടി: പി.ജയചന്ദ്രന്‍ അനുസ്മരണം സംഘടിപ്പിച്ച് കൊയിലാണ്ടിയിലെ സെല്ലോ മ്യൂസിക്. കൊയിലാണ്ടി യു.എ.ഖാദര്‍ സാംസ്‌കാരിക പാര്‍ക്കില്‍ ഭാവഗായകന്‍ പി.ജയചന്ദ്രന്‍ അനുസ്മരണം നടത്തി. നഗരസഭ ചെയര്‍പേഴ്‌സണ്‍ സുധാ കിഴക്കേ പാട്ട് ഉദ്ഘാടനം ചെയ്തു. പ്രവീണ്‍ പെരുവട്ടൂര്‍ അധ്യക്ഷനായി. അഡ്വക്കേറ്റ് കെ.ടി.ശ്രീനിവാസന്‍ അനുസ്മരണ ഭാഷണം നടത്തി .
ചടങ്ങില്‍ സ്തുത്യര്‍ഹ സേവനത്തിനുള്ള രാഷ്ട്രപതിയുടെ ഫയര്‍ സര്‍വീസ് മെഡലിന് അര്‍ഹനായ കൊയിലാണ്ടി ഫയര്‍‌സ്റ്റേഷനിലെ അസിസ്റ്റന്റ് സ്റ്റേഷന്‍ ഓഫീസര്‍ പി കെ. ബാബുവിനെ നഗരസഭ ചെയര്‍പേഴ്‌സണ്‍ പൊന്നാടയണിയിച്ച് ആദരിച്ചു.
തുടര്‍ന്ന് ജയചന്ദ്രന്‍ ആലപിച്ച ഗാനങ്ങള്‍ വിവിധ ഗായകര്‍ ആലപിച്ചു. ജ്യോതിഷ് പന്തലായനി സ്വാഗതവും രാമചന്ദ്രന്‍ പെരുവട്ടൂര്‍ നന്ദിയും പറഞ്ഞു.