കൊയിലാണ്ടി: 125 മത് വാര്‍ഷികം ആഘോഷമാക്കാന്‍ കാപ്പാട് ഗവ: മാപ്പിള യു.പി സ്‌കൂള്‍. ‘സിംഫണി 2025′ എന്ന് പേര് നല്‍കിയ പരിപാടിയ്ക്ക് ഫെബ്രുവരി 2 ന് തുടക്കമാകും. 4 വരെയാണ് പരിപാടി നടക്കുക. ഫെബ്രുവരി 2 ന് നടക്കുന്ന പൂര്‍വ്വ അധ്യാപക വിദ്യാര്‍ത്ഥി സംഗമം’ ഓര്‍മ്മകള്‍ പൂക്കുമ്പോള്‍ ‘ മുന്‍മന്ത്രിയും പൂര്‍വ വിദ്യാര്‍ഥിയുമായ ശ്രീ പി.കെ.കെ ബാവ ഉദ്ഘാടനം ചെയ്യും.

3 ന് നടക്കുന്ന നഴ്‌സറി-അങ്കണവാടി കലോത്സവം വാര്‍ഡ് മെമ്പറും എഴുത്തുകാരനുമായ ഷെരീഫ് വി. കാപ്പാട് കാപ്പാട് ഉദ്ഘാടനം ചെയ്യും. 4 ന് ചൊവ്വാഴ്ച സ്‌ക്കൂള്‍ വാര്‍ഷിക കാഘോഷപരിപാടികള്‍ എന്‍.ടി.പി അബു ഹാജി നഗറില്‍ നടക്കും.

വൈകുന്നേരം നടക്കുന്ന സാംസ്‌ക്കാരിക സമ്മേളനം കാനത്തില്‍ ജമീല എം.എല്‍. എ ഉദ്ഘാടനം ചെയ്യും. ചടങ്ങില്‍ ചേമഞ്ചേരി ഗ്രാമ പഞ്ചായത്ത് പ്രസിഡണ്ട് സതി കിഴക്കയില്‍ അധ്യക്ഷത വഹിക്കും. തുടര്‍ന്ന് വിദ്യാര്‍ത്ഥികളുടെയും രക്ഷിതാക്കളുടെയും കലാപരിപാടികള്‍ അരങ്ങേറും.