വിദ്യാര്‍ത്ഥികളില്‍ പരിസ്ഥിതി അവബോധം സൃഷ്ടിക്കുകയെന്ന ലക്ഷ്യവുമായി വനംവകുപ്പ്; പേരാമ്പ്ര എ.യു.പി സ്‌കൂളില്‍ ഫോറസ്ട്രി ക്ലബ്ബ് ആരംഭിച്ചു
പേരാമ്പ്ര: പേരാമ്പ്ര എ.യു.പി. സ്‌കൂളില്‍ ഫോറസ്ട്രി ക്ലബ്ബ് ആരംഭിച്ചു. വിദ്യാര്‍ത്ഥികളില്‍ പരിസ്ഥിതി അവബോധം സൃഷ്ടിക്കുക എന്ന ലക്ഷ്യത്തോടെ സംസ്ഥാന വനം വകുപ്പ് സ്‌കൂളുകളില്‍ ആരംഭിച്ചതാണ് ഫോറസ്ട്രി ക്ലബ്ബ്. സോഷ്യല്‍ ഫോറസ്റ്ററി അസിസ്റ്റന്റ് കണ്‍സര്‍വേറ്റര്‍ സത്യപ്രഭ ഉദ്ഘാടനം ചെയ്തു.
വാര്‍ഡ് മെംബര്‍ പി.ജോന അധ്യക്ഷത വഹിച്ച ചടങ്ങില്‍ ഹെഡ് മാസ്റ്റ്ര്‍ പി.പി മധു സ്വാഗതം പറഞ്ഞു. ടി. സുരേഷ് ബോധവല്‍ക്കരണ ക്ലാസ് എടുത്തു. റെയിഞ്ച് ഫോറസ്റ്റ് ഓഫീസര്‍ എം.പി സജീവ്, പി.ടി.എ പ്രസിഡണ്ട് വി.എം മനേഷ്, സി.പി.എ. അസീസ്, ബീരാന്‍ കുട്ടി, സി. അനൂപ്കുമാര്‍, എന്‍.കെ ഇബ്രായി, പി. ജെലീസ്, കെ.എല്‍ ഷിജില, എം.സി മഞ്ജുള, അഭിന്‍ ഷംസ്, എന്‍.പി അബിന്‍ എന്നിവര്‍ പ്രസംഗിച്ചു. കണ്‍വീനര്‍ കെ.എം. സാജു നന്ദിയും പറഞ്ഞു.