മൂന്നാം വാര്‍ഷികം ആഘോഷമാക്കി കെ.എം.ആര്‍ സ്‌പോര്‍ട്ട്‌സ് അക്കാദമി ആന്‍ഡ് ബാഡ്മിന്റണ്‍ അസോസിയേഷന്‍ മരുതൂര്‍
മരുതൂര്‍: മൂന്നാം വാര്‍ഷികം ആഘോഷമാക്കി കെ.എം.ആര്‍ സ്‌പോര്‍ട്ട്‌സ് അക്കാദമി & ബാഡ്മിന്റണ്‍ അസോസിയേഷന്‍ മരുതൂര്‍. അഡ്വ. എം.കെ രാജന്‍ അണേല ഭദ്രദീപം തെളിയിച്ച് കലാപരിപാടികള്‍ ഉദ്ഘാടനം ചെയ്തു. മുഖ്യാതിഥി വടകര എം പി ഷാഫി പറമ്പില്‍ മണിപ്പൂരി നാടകം നാടിന് സമര്‍പ്പിച്ച് മുഖ്യ പ്രഭാഷണം നടത്തി.
ബാഡ്മിന്റണ്‍ അസോസിയേഷന്‍ ജനറല്‍ സെക്രട്ടറി ബി.എസ് ബൈജു സ്വാഗതം പറഞ്ഞ ചടങ്ങില്‍ പ്രസിഡന്റ് കെ എം രാജീവന്‍ അധ്യക്ഷത വഹിച്ചു. നഗരസഭാ വൈസ് ചെയര്‍മാന്‍ അഡ്വ. കെ സത്യന്‍ ബാഡ്മിന്റണ്‍ മത്സര വിജയികള്‍ക്കുള്ള ട്രോഫികള്‍ സമ്മാനിച്ച് അനുമോദന പ്രസംഗം നടത്തി.
പത്മശ്രീ മീനാക്ഷി ഗുരുക്കള്‍ കളരിയുടെയും യോഗയുടെയും വര്‍ത്തമാന കാലത്തിലെ ആവശ്യകതയെ പറ്റി സംസാരിച്ചു. കൗണ്‍സിലര്‍മാരായ ജമാല്‍ മാസ്റ്റര്‍, എം. പ്രമോദ് മുന്‍ കൗണ്‍സിലര്‍മാരായ പി.വി മാധവന്‍, ലത .കെ, അപര്‍ണ, മനോജ് മരുതൂര്‍, രമേശ് ഒറ്റികണ്ടി മുതലായവര്‍ ആശംസകള്‍ അര്‍പ്പിച്ചു സംസാരിച്ചു. റിട്ടയേര്‍ഡ് സ്‌പെഷ്യല്‍ ബ്രാഞ്ച് എസ്.ഐ മുരളീധരന്‍ ഇ.കെ നന്ദി പ്രകാശിപ്പിച്ചു.