കൊയിലാണ്ടി: കൊയിലാണ്ടി ട്രാഫിക് പോലീസ് എ.എസ്.ഐയെ മര്‍ദ്ദിച്ച സംഭവത്തില്‍ പ്രതിയെ റിമാന്‍ഡ് ചെയ്തു. എടക്കുളം സ്വദേശി നിഹാബ് അബൂബക്കര്‍ ആണ് റിമാന്‍ഡിലായത്. ഇന്ന് രാവിലെ 10.20 തോടെയാണ് സംഭവം.

ട്രാഫിക് സ്റ്റേഷനില്‍ ഫൈന്‍ ചെല്ലാന്‍ സംബന്ധിച്ച വിഷയവുമായി എത്തിയതായിരുന്നു അബൂബക്കര്‍. ആദ്യം സ്റ്റേഷനില്‍ എത്തിയ ഇയാള്‍ ഫൈന്‍ സംബന്ധിച്ച കാര്യങ്ങള്‍ സംസാരിക്കുകയും പിന്നീട് തിരിച്ചുപോയി വീണ്ടും എത്തി എ.എസ്.ഐയെ മര്‍ദിക്കുകയുമായിരുന്നു. പ്രതിയെ സംഭവ സ്ഥലത്തുവെച്ച് പോലീസ് കസ്റ്റഡിയിലെടുക്കുകയായിരുന്നു.

സംഭവത്തില്‍ ട്രാഫിക് പോലീസ് എ.എസ്.ഐ സജീവന് പരിക്കേറ്റിരുന്നു. എ.എസ്.ഐയുടെ യൂണിഫോം പിടിച്ചുവലിക്കുകയും ചവിട്ടുകയും ചെയ്തിട്ടുണ്ടെന്ന് പോലീസ് കൊയിലാണ്ടി ന്യൂസ് ഡോട് കോമിനോട് പറഞ്ഞു. പരിക്കേറ്റ എ.എസ്.എ യെ കൊയിലാണ്ടി താലൂക്ക് ആശുപത്രിയില്‍ ചികിത്സതേടിയിരുന്നു.