കൊയിലാണ്ടി: ജൂനിയര്‍ ചേമ്പര്‍ ഇന്റര്‍നാഷണല്‍ കൊയിലാണ്ടി ചാപ്റ്ററിന്റെ ഈ വര്‍ഷത്തെ യുവ സംരംഭകര്‍ക്കുള്ള ടോബിപ്പ് അവാര്‍ഡ് സമദ് മൂടാടിക്കും കമല്‍ പത്ര അവാര്‍ഡ് ഫൈസല്‍ മുല്ലായത്തിനും നല്‍കുമെന്ന് ജെ.സി.ഐ ഭാരവാഹികള്‍ അറിയിച്ചു. 2024-25 വര്‍ഷത്തേക്കുള്ള ഭാരവാഹികളുടെ സ്ഥാനാരോഹരണം 28ന് ചേമഞ്ചേരി സര്‍വീസ് സഹകരണ ബാങ്ക് ഓഡിറ്റോറിയത്തില്‍ വച്ചു നടക്കും.

ഡോ അഖില്‍ എസ് കുമാര്‍ പ്രസിഡന്റ്, ഡോ എസ്.എസ്.സൂരജ് – സെക്രട്ടറി, നിവേദ് അമ്പാടി – ട്രഷറര്‍ എന്നിവരാണ് പുതിയ ഭാരവാഹികള്‍. വിദ്യാലയങ്ങള്‍ കേന്ദ്രീകരിച്ച് ആരോഗ്യം, വിദ്യാഭ്യാസം, വ്യക്തിത്വ വികാസം, പാരന്റിംഗ് തുടങ്ങിയ വിഷയങ്ങളില്‍ ബോധവല്‍ക്കരണ ക്ലാസുകള്‍ നടത്തും.

താല്‍പര്യമുള്ള വിദ്യാലയങ്ങള്‍ 9895726850 എന്ന നമ്പറില്‍ ബന്ധപ്പെടേണ്ടതാണ്. ഈ വര്‍ഷത്തെ നഴ്‌സറി കലോത്സവം ഫെബ്രുവരി 2 ന് പൊയില്‍ക്കാവ് ഹയര്‍ സെക്കന്ററി സ്‌കൂളില്‍ വച്ചു നടക്കുന്നതാണ്. വാര്‍ത്താ സമ്മേളനത്തില്‍ ഡോ അഖില്‍.എസ്.കുമാര്‍, അഡ്വ.പ്രവീണ്‍ കുമാര്‍, ജെ.ബി.ഗോകുല്‍, ഡോ എസ്.എസ്.സൂരജ്, ശ്രീജിത്ത് ചിത്രം എന്നിവര്‍ പങ്കെടുത്തു.

Summary: JCI Chamber International Koyilandy Chapter has announced the award for young entrepreneurs