ചൂരല്‍ക്കാവ് ക്ഷേത്രത്തില്‍ ശ്രീകോവിലിന്റെ കട്ടിലവെക്കല്‍ കര്‍മ്മം നിര്‍വഹിച്ചു
കൊയിലാണ്ടി: ചൂരല്‍ക്കാവ് ശ്രീ ഭഗവതി ക്ഷേത്രത്തിലെ ശ്രീകോവിലിന്റെ കട്ടില വെക്കല്‍ കര്‍മ്മം നിര്‍വഹിച്ചു. ക്ഷേത്ര ശില്പി കേശവന്‍ ആചാരിയുടെ മുഖ്യ കാര്‍മികത്വത്തിലും ക്ഷേത്രമേല്‍ശാന്തി മനേഷ് ശാന്തിയുടെ നേതൃത്വത്തിലും ബാലന്‍ അമ്പാടി ചടങ്ങ് നിര്‍വഹിച്ചു.
പ്രമുഖ വ്യക്തികളായ കൊയിലാണ്ടി നഗരസഭ കൗണ്‍സിലറായ അസീസ് മാസ്റ്റര്‍, മുന്‍സിപ്പല്‍ കോണ്‍ട്രാക്ടര്‍ സെല്‍വരാജ്, പിഷാരികാവ് ക്ഷേത്രം മുന്‍ മേല്‍ശാന്തി നാരായണന്‍ മൂസത്, പിഷാരികാവ് ക്ഷേമ സമിതി രക്ഷാധികാരി ഇ.എസ്.രാജന്‍, കെ.ചിന്നന്‍ നായര്‍, കെ.എം.ആര്‍.രാജീവന്‍, സി.സത്യചന്ദ്രന്‍, ടി.കെ.ചന്ദ്രന്‍ എന്നിവരും സന്നിഹിതരായിരുന്നു.
ക്ഷേത്ര കമ്മിറ്റി പ്രസിഡണ്ട് പ്രേമം സെക്രട്ടറി ജയേഷ്, നിര്‍മ്മാണ കമ്മിറ്റി ചെയര്‍മാന്‍ പി.ഗോപി, കണ്‍വീനര്‍ രാജചന്ദ്രന്‍ ശ്രീരാഗം എന്നിവര്‍ നേതൃത്വം നല്‍കി. നിരവധി ഭക്തജനങ്ങള്‍ കട്ടില വെക്കല്‍ കര്‍മ്മത്തില്‍ പങ്കെടുത്തു.