കോംപ്‌കോസ് കൊയിലാണ്ടി ഫെസ്റ്റിനുള്ള ഒരുക്കങ്ങള്‍ തുടങ്ങി; ലോഗൊ പ്രകാശനം ചെയ്തു
കൊയിലാണ്ടി: കോംപ് കോസ് കൊയിലാണ്ടി ഫെസ്റ്റിന്റെ ലോഗോ കാനത്തില്‍ ജമീല എം.എല്‍.എ പ്രകാശനം ചെയ്തു. ചടങ്ങില്‍ നഗരസഭ വൈസ് പ്രസിഡന്റ് അഡ്വ കെ.സത്യന്‍ അധ്യക്ഷ്യനായി. ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ്, ഡയറക്ടര്‍മാരായ ബിന്ദു സോമന്‍. അനില്‍ പറമ്പത്ത് അഡ്വ പി. പ്രശാന്ത് എന്നിവര്‍ സംസാരിച്ചു. എം.ബാലകൃഷ്ണന്‍ സ്വാഗതവും, മനോജ് ചേരിക്കുന്നുമ്മല്‍ നന്ദിയും പറഞ്ഞു.
2024 ഡിസംബര്‍ 20മുതല്‍ ജനുവരി അഞ്ച് വരെയാണ് കൊയിലാണ്ടി ഫെസ്റ്റ് എന്ന പേരില്‍ വിനോദ വിജ്ഞാന കാര്‍ഷിക എക്സ്ബിഷന്‍ സംഘടിപ്പിക്കുന്നത്. കൊയിലാണ്ടി ഫ്ളൈ ഓവറിന് കിഴക്കുവശം മുത്താമ്പി റോഡിലെ പഴയ ടോള്‍ബൂത്തിന് സമീപമുള്ള സ്ഥലത്താണ് ഫെസ്റ്റ് ഒരുക്കുന്നത്. ടിക്കറ്റ് നല്‍കിയായിരിക്കും പ്രവേശനം. കാര്‍ണിവെല്‍, വിവിധ തരത്തിലുള്ള പവലിയനുകള്‍, ഫുഡ് കോര്‍ട്ട്, സ്റ്റേജ് പരിപാടികള്‍ എന്നിവ ഫെസ്റ്റിന്റെ ഭാഗമായി ഉണ്ടാവും.