കോഴിക്കോട്: സംസ്ഥാന സ്‌കൂള്‍ ശാസ്‌ത്രോത്സവത്തില്‍ പ്രവൃത്തി പരിചയ മേളയില്‍ പപ്പെറ്റ് നിര്‍മാണത്തില്‍ ഒന്നാം സ്ഥാനവും എ ഗ്രേഡും ലഭിച്ച ജി.വി.എച്ച്.എസ്.എസ് കൊയിലാണ്ടിയിലെ അനാമിക. സ്‌കൂളിലെ ഒമ്പതാം ക്ലാസ് വിദ്യാര്‍ഥിനിയാണ് അനാമിക.

അനാമികയ്ക്ക് സ്‌കൂളില്‍ സ്വീകരണമൊരുക്കി. സ്‌കൂള്‍ ക്യാമ്പസ്സില്‍ നടന്ന ചടങ്ങില്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍ പേഴ്‌സണ്‍ നിജില പറവക്കൊടി അനാമികക്ക് ഉപഹാരം നല്‍കി. പി.ടി.എ പ്രസിഡന്റ് സുചീന്ദ്രന്‍.വി അധ്യക്ഷത വഹിച്ചു. പ്രിന്‍സിപ്പല്‍ പ്രദീപ് കുമാര്‍.എന്‍.വി, സീനിയര്‍ അസിസ്റ്റന്റ് എസ്.രഞ്ജു, പി.പി.സുധീര്‍, ഹെഡ്മാസ്റ്റര്‍ കെ.കെ.സുധാകരന്‍, ഒ.കെ. ഷിജു എന്നിവര്‍ സംസാരിച്ചു.

Summary: Anamika of Koyilandi GVHS wins first prize in Puppet Making at the Work Experience Fair