കൊയിലാണ്ടി: ജില്ലാ ലൈബ്രറി കൗണ്‍സില്‍ കൊയിലാണ്ടി നോര്‍ത്ത് മേഖല യു.പി, വനിത ജൂനിയര്‍ സീനിയര്‍ വിഭാഗങ്ങളിലായി വായന മത്സരം സംഘടിപ്പിച്ചു. വായനയെ അടിസ്ഥാനമാക്കി നടത്തിയ ക്വിസ് മത്സരത്തില്‍ രാഗേഷ് കുമാര്‍, ടി.എം.സുധാകരന്‍, വിജിത്ത് കുമാര്‍, രാഗേഷ് കുമാര്‍ എന്നിവരായിരുന്നു ചോദ്യങ്ങള്‍ ചോദിച്ചത്. യു.പി വിഭാഗത്തില്‍ ശ്രേയ ശശിത്ത്, ശ്രേയ കെ.പി., ആത്മിക എന്നിവരും വനിതാ ജൂനിയര്‍ വിഭാഗത്തില്‍ പി.എം.കണ്ണകി, കെ.ധന്യ, പി.എം.രമ്യ എന്നിവരും വനിതാ സീനിയര്‍ വിഭാഗത്തില്‍ എം.ഷൈമ, രശ്മി ദേവി, ടി.എം.ആനന്ദവല്ലി എന്നിവരും യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി.

ആദ്യ മൂന്ന് സ്ഥാനം നേടിയവര്‍ക്ക് ഡിസംബറില്‍ നടക്കുന്ന താലൂക്ക് തല വായനാമത്സരത്തില്‍ പങ്കെടുക്കാനാകും. വിജയികള്‍ക്ക് സമ്മാനങ്ങള്‍ വിതരണം ചെയ്തു.

പുളിയഞ്ചേരി എല്‍.പി സ്‌കൂളില്‍ നടന്ന പരിപാടി നഗരസഭ കൗണ്‍സിലര്‍ വി.രമേശന്‍ മാസ്റ്റര്‍ ഉദ്ഘാടനം ചെയ്തു. മേഖലാ പ്രസിഡണ്ട് പി.രാജേന്ദ്രന്‍ അദ്ധ്യക്ഷം വഹിച്ചു. മോഹനന്‍ നടുവത്തൂര്‍, പി.കെ രഘുനാഥ്, രശ്മിദേവി, എന്നിവര്‍ ആശംസകള്‍ നേര്‍ന്നു സംസാരിച്ചു. സിനേഷ് കെ.ടി സ്വാഗതവും വിജിത്ത് കുമാര്‍ നന്ദിയും പറഞ്ഞു

Summary: District Library Council Koilandi North region with reading competition for children and women