ഇരിങ്ങലില്‍ കാറും സ്വകാര്യബസും കൂട്ടയിടിച്ചു; അപകടം കെ.എസ്.ആര്‍.ടി.സി ബസിനെ മറികടക്കുന്നതിനിടയില്‍
പയ്യോളി: ഇരിങ്ങല്‍ ദേശീയപാതയില്‍ വാഹനാപകടം. സ്വകാര്യ ബസും കാറുമാണ് കൂട്ടിയിടിച്ചത്. അപകടത്തില്‍ ആര്‍ക്കും പരിക്കില്ല.
ഇരിങ്ങല്‍ ബസ് സ്റ്റോപ്പിന് സമീപത്ത് ഇന്ന് രാവിലെ പതിനൊന്ന് മണിയോടെയാണ് അപകടം.
ഓര്‍ക്കാട്ടേരിയില്‍ നിന്ന് കോഴിക്കോട് എയര്‍പോര്‍ട്ടിലേക്ക് പോവുകയായിരുന്ന കാറും പോരാമ്പ്രയില്‍ നിന്ന് വടകരയ്ക്ക്് പോവുകയായിരുന്ന ഡിയേഴ്‌സ് ബസുമാണ് കൂട്ടിയിടിച്ചത്. കെ.എസ്.ആര്‍.ടി.സി ബസ്സിനെ മറികടക്കുന്നതിനിടയില്‍ എതിര്‍ ദിശയില്‍ വരികയായിരുന്ന ബസുമായി കാര്‍ കൂട്ടിയിടിക്കുകയായിരുന്നു. അപകടത്തില്‍ കാറിലുണ്ടായിരുന്ന മൂന്നു പേരും അത്ഭുതകരമായി രക്ഷപ്പെട്ടു.
പ്രവാസിയെയും കൊണ്ട് കോഴിക്കോട് പോവുകയായിരുന്നു കാര്‍. അപകടത്തെ തുടര്‍ന്ന് മറ്റൊരു വാഹനത്തില്‍ ഇയാളെ എയര്‍പ്പോട്ടിലേക്ക് പറഞ്ഞു വിട്ടു.
Also Read- കൊയിലാണ്ടിയില്‍ ഇലട്രിക്ക് ലൈനില്‍ മരം പൊട്ടിവീണു
അപകടത്തെത്തുടര്‍ന്ന് സ്ഥലത്തെത്തിയ പിങ്ക് പോലീസിന്റെ നേതൃത്വത്തിലാണ് രക്ഷാ പ്രവര്‍ത്തനം നടത്തിയത്. സീനിയര്‍ സിവില്‍ പോലീസ് ഓഫീസര്‍മാരായ ഇ എം സിന്ധു, കെ എം രേഖ, വി സുവര്‍ണ എന്നിവര്‍ പങ്കെടുത്തു.
