ഫയര്‍ഫോഴ്‌സ് ഡ്യൂട്ടി മീറ്റില്‍ കൊയിലാണ്ടി സ്റ്റേഷന് മിന്നുംവിജയം; ക്രിക്കറ്റിലും ബാഡ്മിന്റണ്‍ സിംഗിള്‍സിലും ഒന്നാം സ്ഥാനം
കൊയിലാണ്ടി: കോഴിക്കോട് നടന്ന ഫയര്‍ഫോഴ്‌സ് കോഴിക്കോട്, വയനാട് ജില്ലകള്‍ ഉള്‍പ്പെട്ട ഡ്യൂട്ടി മീറ്റില്‍ കൊയിലാണ്ടി സ്റ്റേഷന് മിന്നുംജയം. ഗെയിംസ് ഇനത്തില്‍ ബാഡ്മിന്റണ്‍ സിംഗിള്‍സിലും ക്രിക്കറ്റ് മത്സരത്തിലും ഒന്നാം സ്ഥാനം നേടി.
ഫുട്‌ബോള്‍ മത്സരത്തില്‍ റണ്ണേഴ്‌സ് അപ്പും ആയി. കൂടാതെ അത്ലറ്റിക്‌സ് ഇനത്തിലും ശ്രദ്ധേയമായ നേട്ടങ്ങള്‍ കൈവരിച്ചു. പരിമിതമായ സേനാംഗങ്ങള്‍ ജോലിചെയ്യുന്ന നിലയില്‍നിന്നും വലിയ വിജയങ്ങള്‍ കൈവരിക്കാന്‍ സാധിച്ചതില്‍ അഭിമാനമുണ്ടെന്ന് സ്റ്റേഷന് ഓഫീസര്‍ ആനന്ദന്‍ സി.പി. അഭിപ്രായപ്പെട്ടു.
