സിനിമാ പ്രേമികളെ ഇതിലേ; ഏഴാമത് മലബാര്‍ മൂവി ഫെസ്റ്റിവലിന് കൊയിലാണ്ടിയില്‍ തുടക്കം
കൊയിലാണ്ടി: ഏഴാമത് മലബാര്‍ മൂവി ഫെസ്റ്റിവല്‍ കൊയിലാണ്ടിയില്‍ ആരംഭിച്ചു. ചലച്ചിത്ര താരം സുധി കോഴിക്കോട് ഉദ്ഘാടനം ചെയ്തു. നഗരസഭാധ്യക്ഷ സുധകിഴക്കേപ്പാട്ട് അധ്യക്ഷയായി.
വൈസ് ചെയര്‍മാന്‍ കെ. സത്യന്‍, സ്ഥിരം സമിതി അധ്യക്ഷന്‍ ഇ.കെ. അജിത്ത്, പി. രത്‌നവല്ലി, ഫെസ്റ്റിവല്‍ ഡയറക്ടര്‍ ഡോ. സി.എസ്. വെങ്കിടേശ്വരന്‍, വിനീതവിജയന്‍,എഫ്.എഫ്.എസ്.ഐ പ്രതിനിധി മോഹനന്‍, യു. ഉണ്ണികൃഷ്ണന്‍ എന്നിവര്‍ സംസാരിച്ചു. സംവിധായകരായ വി.സി. അഭിലാഷ്, സുസ്‌മേഷ് ചന്ദ്രോത്ത്, പ്രതാപ് ജോസഫ് തുടങ്ങിയവര്‍ പങ്കെടുത്തു.
ആദ്യദിനത്തില്‍ വി.സി. അഭിലാഷ് സംവിധാനം ചെയ്ത എ പാന്‍ ഇന്ത്യന്‍ സ്റ്റോറി പ്രേക്ഷക ശ്രദ്ധ നേടി. ആദിത്യ ബേബിയുടെ കാമദേവന്‍ നക്ഷത്രം കണ്ടു, പ്രതാപ് ജോസഫിന്റെ മാവോയിസ്റ്റ്, ടി. പത്മനാഭനെ ക്കുറിച്ച് സുസ്‌മേഷ് ചന്ദ്രാേത്ത് സംവിധാനം ചെയ്ത നളിനകാന്തി ഡോക്യുമെന്ററി, എം.ടി. യുടെ നിര്‍മ്മാല്യം എന്നിവ പ്രദര്‍ശിപ്പിച്ചു.