‘സഫലം’; 140 ാം വാര്‍ഷികം വിപുലമായി ആഘോഷിക്കാനൊരുങ്ങി തുവ്വക്കോട് എല്‍.പി സ്‌കൂള്‍, ലോഗോ പ്രകാശനം ചെയ്തു
ചേമഞ്ചേരി: തുവ്വക്കോട് എല്‍.പി സ്‌കൂളിന്റെ 140ാം വാര്‍ഷികാഘോഷത്തിന്റെ ലോഗോ പ്രകാശനം ചെയ്തു. ‘സഫലം’ എന്ന പേരാണ് വാര്‍ഷികാഘോഷത്തിനായി നല്‍കിയിരിക്കുന്നത്. മുന്‍ അധ്യാപിക വി.കെ ശാന്തകുമാരി അഫ്‌സല്‍ പലോറത്തിന് നല്‍കി ലോഗോ പ്രകാശനം നിര്‍വ്വഹിച്ചു.
ഡിസംബര്‍ ഒന്നു മുതല്‍ ജനുവരി 31 വരെയാണ് ആഘോഷ പരിപാടികള്‍. അജയന്‍ ചെറൂര് ചടങ്ങില്‍ അധ്യക്ഷത വഹിച്ചു. രഞ്ജിത്ത് കുനിയില്‍, കെ. പ്രദീപന്‍, ഗീത ചെറൂര്, വിനീത മണാട്ട്, അനൂപ് ചന്ദ്രന്‍, ആലിക്കോയ പുതുശ്ശേരി, പ്രധാന അധ്യാപിക സഹീന എന്നിവര്‍ സംസാരിച്ചു.