വയലാറിന്റെ തെരഞ്ഞെടുക്കപ്പെട്ട പ്രശസ്ത ഗാനങ്ങളുടേയും കവിതകളേയും ആലാപനം; വയലാറിന്റെ ഓര്‍മ്മകളില്‍ ഒത്തുചേര്‍ന്ന് കൊയിലാണ്ടി യുവകലാസാഹിതി
കൊയിലാണ്ടി: വയലാര്‍ അനുസ്മരണം സംഘടിപ്പിച്ച് യുവകലാസാഹിതി കൊയിലാണ്ടി മണ്ഡലം കമ്മിറ്റി. നഗരസഭാ സാംസ്‌ക്കാരിക നിലയത്തില്‍ വെച്ചു നടന്ന അനുസ്മരണ പരിപാടി കൊയിലാണ്ടി മുന്‍സിപ്പാലിറ്റി സ്റ്റാന്റിംഗ് കമ്മിറ്റി ചെയര്‍മാന്‍ ഇ. കെ അജിത്ത് ഉദ്ഘാടനം ചെയ്തു.
പരിപാടിയില്‍ വയലാറിന്റെ തെരഞ്ഞെടുക്കപ്പെട്ട പ്രശസ്ത ഗാനങ്ങളുടേയും കവിതകളേയും ആലാപനം നടത്തി. എഴുത്തുകാരനും പ്രഭാഷകനുമായ ശശികുമാര്‍ പുറമേരി മുഖ്യപ്രഭാഷണം നടത്തി. രാഗം മുഹമ്മദലി അധ്യക്ഷത വഹിച്ച ചടങ്ങില്‍ പ്രദീപ് കണിയാരിക്കല്‍ സ്വാഗതം പറഞ്ഞു.നാസര്‍ കാപ്പാട്, കെ എസ് രമേശ് ചന്ദ്ര, അഡ്വക്കറ്റ് ശ്രീനിവാസന്‍, വിജയഭാരതി ടീച്ചര്‍, ശശി പുറക്കാട്, ജ്യോതിലക്ഷ്മി എന്നിവര്‍ സംസാരിച്ചു.