വടകര: മാരക മയക്കുമരുന്നുമായി വടകരയിൽ യുവാക്കൾ പിടിയിൽ. ഏറാമല സ്വദേശികളായ വിഷ്ണു (21), സൂരജ് (22) എന്നിവരെയാണ് പോലീസ് പിടികൂടിയത്. മാരക മയക്കുമരുന്നായ എം.ഡിഎംഎയും കഞ്ചാവുമായാണ് ഇവരുടെ കയ്യിൽ നിന്ന് പിടികൂടിയത്. വടകര റെയിൽവെ സ്റ്റേഷൻ പരിസരത്തെ റോഡിൽ നിന്നുമാണ് ഇരുവരെയും എസ്ഐ നിജേഷും സംഘവും പിടികൂടിയത്.

[ad1]

പൾസർ ബൈക്കിൽ വടകരയിലെത്തിയ ഇവർ ആവശ്യക്കാർക്കായി കഞ്ചാവ് വിൽക്കാൻ കൊണ്ടുവന്നപ്പോൾ പോലീസ് പിടികൂടിയത്. സംശയം തോന്നിയ ഉടനെ തഹസിൽദാറെ അറിയിക്കുകയും അദ്ദേഹത്തിൻറെ സാന്നിധ്യത്തിൽ നടത്തിയ ദേഹ പരിശോധനയിലാണ് മയക്കുമരുന്ന് കണ്ടെടുത്തത്. ബംഗളൂരുവിൽ വിദ്യാർഥിയായ വിഷ്ണു വിൽപനക്കായി കൊണ്ടുവന്നതാണെന്നു പറയുന്നു. ആറ് ഗ്രാം എംഎഡിഎംഎ ഉൾപെടെയാണ് പിടിച്ചെടുത്തത്. റൂറൽ എസ്പിയുടെ നിർദേശപ്രകാരം നടത്തിയ സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിലാണ് ഇരുവരെയും പിടികൂടിയത്.

[ad2]