വായന പക്ഷാചരണം; പുസ്തക പ്രദര്‍ശനം സംഘടിപ്പിച്ച് വിയ്യൂര്‍ വായനാശാല ബാലവേദി
വിയ്യൂര്‍: വായന പക്ഷാചരണത്തിന്റെ ഭാഗമായി വിയ്യൂര്‍ വായനശാല ബാലവേദിയുടെ നേതൃത്വത്തില്‍ പുസ്തക പ്രദര്‍ശനം സംഘടിപ്പിച്ചു. പുളിയഞ്ചേരി സ്‌കൂളുമായി ചേര്‍ന്നാണ് പുസ്തക പ്രദര്‍ശനം സംഘടിപ്പിച്ചത്. പ്രശസ്ത എഴുത്തുകാരുടെ പുസ്തകങ്ങള്‍ ഉള്‍പ്പെടെ അപൂര്‍വ്വ ഗ്രന്ഥങ്ങള്‍ പ്രദര്‍ശനത്തില്‍ ഉള്‍പ്പെടുത്തിയത്.
വായനശാലയില്‍ വെച്ച് നടന്ന പരിപാടി പ്രധാന അധ്യാപിക ഷംന ടീച്ചര്‍ ഉദ്ഘാടനം ചെയ്തു. പ്രസിഡണ്ട് മോഹനന്‍ നടുവത്തൂര്‍ അധ്യക്ഷത വഹിച്ചു. സജിത, രശ്മി എന്നീ അദ്യാപകരും, വായനശാല സെക്രട്ടറി പി.കെ.ഷൈജു രാധാകൃഷ്ണന്‍ പി.പി.രജീഷ് പി, നിധിന്‍ കെ.പി. എന്നിവരും വിദ്യാര്‍ത്ഥികളായ ദ്രുവദര്‍ശ്, ഷാര്‍വിന്‍ എന്നിവര്‍ ആശംസകള്‍ നേര്‍ന്നു സംസാരിച്ചു. അല്‍മിത്ര റിജേഷ് സ്വാഗതവും ലൈബ്രറിയന്‍ പ്രജിത.കെ നന്ദിയും പറഞ്ഞു.
