തിരുവള്ളൂരില്‍ വെള്ളം കോരുന്നതിനിടെ കിണറ്റില്‍വീണ മധ്യവയസ്‌കനെ അഗ്നിരക്ഷാ സേന രക്ഷപ്പെടുത്തി
തിരുവള്ളൂര്‍: വെള്ളം കോരുന്നതിനിടെ കാല്‍തെറ്റി കിണറ്റില്‍വീണ മധ്യവയസ്‌കനെ അഗ്നിരക്ഷാസേന രക്ഷപ്പെടുത്തി. മാങ്ങോട്ട് ഒതയോത്ത് ബാലനെയാണ് കിണറ്റില്‍ നിന്നും പുറത്തെടുത്തത്.
വടകരയില്‍ നിന്നും സീനിയര്‍ ഫയര്‍ ആന്റ് റസ്‌ക്യൂ ഓഫീസര്‍ വിജിത്ത് കുമാറിന്റെ നേതൃത്വത്തിലെത്തിയ സംഘമാണ് രക്ഷാപ്രവര്‍ത്തനം നടത്തിയത്. റെസ്‌ക്യൂ നെറ്റും റോപ്പും ഉപയോഗിച്ച് ബാലനെ മുകളിലേക്ക് എത്തിക്കുകയായിരുന്നു.
ഫയര്‍ ആന്റ് റസ്‌ക്യൂ ഓഫീസര്‍മാരായ റിജീഷ് കുമാര്‍, പ്രജിത്ത് നാരായണന്‍, കെ.ഷാഗില്‍, എം.വിപിന്‍, എം.ജാഹിര്‍ എന്നിവര്‍ പങ്കെടുത്തു.
