മേപ്പയൂർ: വ്യാപാരി വ്യവസായി സമിതി മേപ്പയൂർ യൂണിറ്റിന്റെ നേതൃത്വത്തിൽ സംഘടിപ്പിച്ച ഓണാഘോഷ പരിപാടികൾ സമാപിച്ചു. സമാപന സമ്മേളനവും വ്യാപാര മിത്ര മരണാനന്തര ആനുകൂല്യം, ചികിത്സാ സഹായം എന്നിവയുടെ വിതരണോദ്ഘാടനം ടിപി രാമകൃഷ്ണൻ എംഎൽഎ നിർവഹിച്ചു.

മേപ്പയ്യൂർ പഞ്ചായത്ത്‌ പ്രസിഡന്റ്‌ കെ ടി രാജൻ, വ്യാപാരി വ്യവസായി സമിതി ജില്ലാ സെക്രട്ടറി സന്തോഷ്‌ സെബാസ്റ്റ്യൻ, ട്രഷറർ ഗഫൂർ രാജധാനി, എ പി ശ്രീജ, എഎംകുഞ്ഞിരാമൻ, ബി എം മുഹമ്മദ്‌ എന്നിവർ സംസാരിച്ചു. സമിതി മേപ്പയൂർ യൂണിറ്റ് പ്രസിഡന്റ്‌ നാരായണൻ എസ്‌ക്വയർ അധ്യക്ഷത വഹിച്ചു. സെക്രട്ടറി വിനോദ് വടക്കെയിൽ സ്വാഗതവും ട്രഷറർ പി മധുസൂദനൻ നന്ദിയും പറഞ്ഞു.

വിംഗ്, വനിതാ വിംഗ് സംയുക്തമായി തിരുവോണനാളിൽ മനോഹരമായ പൂക്കളം ഒരുക്കിക്കൊണ്ടാണ് ഇത്തവണത്തെ ഓണാഘോഷങ്ങൾക്ക് തുടക്കം കുറിച്ചത്. വിവിധ കലാ-കായിക മത്സരപരിപാടികളോടെയായിരുന്നു സമാപനം.

Summary: vanamithra benefit distributed in Mepayyur