മുഴുവന്‍ വാര്‍ഡുകളിലും ദുരന്തനിവാരണ സേനയെ സജ്ജമാക്കുകയെന്ന ലക്ഷ്യം; മൂടാടി ഗ്രാമപഞ്ചായത്തില്‍ ദുരന്തിവാരണ പരിശീലനം
മൂടാടി: സാമൂഹ്യ സന്നദ്ധ ഡയറക്ടറേറ്റിന്റെ നേതൃത്വത്തില്‍ മൂടാടി ഗ്രാമ പഞ്ചായത്തില്‍ സന്നദ്ധതീരം ദുരന്ത നിവാരണ പരിശീലനം സംഘടിപ്പിച്ചു. വൈസ് പ്രസിഡന്റ് ഷീജ പട്ടേരി ഉദ്ഘാടനം നിര്‍വ്വഹിച്ചു.
സന്നദ്ധ തീരം പ്രൊജക്റ്റ് കോര്‍ഡിനേറ്റര്‍ ടോമി.സി ആമുഖം നല്‍കി സ്വാഗതം ആശംസിച്ചു. സ്ഥിരം സമിതി അധ്യക്ഷന്‍ എം.കെ. മോഹനന്‍ അധ്യക്ഷത വഹിച്ചു. 18 വാര്‍ഡുകളിലും ദുരന്ത നിവാരണ സന്നദ്ധ സേനയെ തയാറാക്കുകയെന്ന ലക്ഷ്യത്തോടെയാണ് പരിശീലനം സംഘടിപ്പിച്ചത്.
വിപിന്‍, സുമേഷ് (കോസ്റ്റ് ഗാര്‍ഡ്), ജില്ലാ ഹസാര്‍ഡ് അനലിസ്റ്റ്, കോഴിക്കോട് അശ്വതി.പി, കൊയിലാണ്ടി ഫയര്‍ & റെസ്‌ക്യൂ ഓഫീസേഴ്‌സായ സുകേഷ്, ലിനീഷ് തുടങ്ങിയവര്‍ ക്ലാസ്സുകള്‍ നയിച്ചു. സന്നദ്ധതീരം പ്രൊജക്റ്റ് കോര്‍ഡിനേറ്റര്‍ നന്ദി പറഞ്ഞു.