ദേശീയപാതയില്‍ കൊയിലാണ്ടിയില്‍ റോഡില്‍ പൂഴി നിറഞ്ഞതുകാരണം പൊടിശല്യം രൂക്ഷമെന്ന് വ്യാപാരികള്‍; പ്രശ്‌നപരിഹാരം ആവശ്യപ്പെട്ട് മര്‍ച്ചന്റ്‌സ് അസോസിയേഷന്‍
കൊയിലാണ്ടി: ദേശീയപാതയില്‍ കൊയിലാണ്ടി ഭാഗങ്ങളില്‍ റോഡില്‍ പൂഴി നിറഞ്ഞതുകാരണം വാഹനങ്ങള്‍ കടന്നുപോകുമ്പോള്‍ പൊടിശല്യം രൂക്ഷമാണെന്ന് വ്യാപാരികളും പൊതുജനങ്ങളും. ഇതിന് ശാശ്വത പരിഹാരം കാണാന്‍ ബന്ധപ്പെട്ടവര്‍ തയ്യാറാകണമെന്ന് കൊയിലാണ്ടി മര്‍ച്ചന്റ്‌സ് അസോസിയേഷന്‍ യോഗം ആവശ്യപ്പെട്ടു. അല്ലാത്ത പക്ഷം വ്യാപാരികള്‍ക്ക് പ്രക്ഷോഭത്തിന്റെ പാത സ്വീകരിക്കേണ്ടി വരുമെന്നും യോഗം വിലയിരുത്തി.
യോഗത്തില്‍ പ്രസിഡന്റ് കെ.കെ.നിയാസ് അധ്യക്ഷത വഹിച്ചു. കെ.പി.രാജേഷ്, കെ.ദിനേശന്‍, പി.കെ.ഷുഹൈബ് അമേത്ത് കുഞ്ഞാഹമ്മദ്, പി.കെ.മനീഷ്, വി.കെ.ഹമീദ്, പ്രമോദ്, അജീഷ് മോഡേണ്‍, പി.ചന്ദ്രന്‍ ബാബു, സുകന്യ, അസീസ്, പ്രേമദാസന്‍ എന്നിവര്‍ സംസാരിച്ചു.