‘കേരള മഹിളാ ഫെഡറേഷന്റെ കരുത്തുറ്റ നേതാവ്, ആദ്യകാല കമ്മ്യൂണിസ്റ്റ് പാര്‍ട്ടി പ്രവര്‍ത്തക’; ടി.കെ മീനാക്ഷി അമ്മയുടെ നാല്‍പത്തി ഒമ്പതാം ചരമവാര്‍ഷികം വിവിധ പരിപാടികളോടെ അനുസ്മരിച്ച് സി.പി.ഐ.എം
ചേമഞ്ചേരി: ടി.കെ മീനാക്ഷി അമ്മയുടെ നാല്‍പത്തി ഒമ്പതാം ചരമവാര്‍ഷികം വിവിധ പരിപാടികളോടെ ആചരിച്ചു. അഖിലേന്ത്യാ ജനാധിപത്യ മഹിളാ അസോസിയേഷന്റെ ആദ്യ സംഘടനയായ കേരള മഹിളാ ഫെഡറേഷന്റെ പ്രഥമ ജില്ലാ വൈസ് പ്രസിഡണ്ടും കൊയിലാണ്ടി താലൂക്ക് സെക്രട്ടറിയും ആദ്യകാല കമ്മ്യൂണിസ്റ്റ് പാര്‍ട്ടി പ്രവര്‍ത്തകയുമായിരുന്നു ടി.കെ മീനാക്ഷി.
കാഞ്ഞിലശ്ശേരിയില്‍ വെച്ച് സംഘടിപ്പിച്ച അനുസ്മരണ സമ്മേളനം സി.പി.ഐ.എം ജില്ലാ കമ്മിറ്റി അംഗം പി. വിശ്വന്‍ ഉദ്ഘാടനം ചെയ്തു. ജനാധിപത്യ മഹിള അസോസിയേഷന്‍ ഏരിയ സെക്രട്ടറി ബിന്ദു സോമന്‍ അധ്യക്ഷത വഹിച്ച ചടങ്ങില്‍ ചേമഞ്ചേരി ലോക്കല്‍ സെക്രട്ടറി കെ. ശ്രീനിവാസന്‍, ശാലിനി ബാലകൃഷ്ണന്‍, വി.എം ജാനകി എന്നിവര്‍ സംസാരിച്ചു.