കൊയിലാണ്ടിയില്‍ ട്രെയിന്‍ തട്ടി മരിച്ചയാളെ തിരിച്ചറിഞ്ഞു
കൊയിലാണ്ടി: കൊയിലാണ്ടിയില്‍ ട്രെയിന്‍ തട്ടി മരിച്ച യുവാവിനെ തിരിച്ചറിഞ്ഞു. പുളിയഞ്ചേരി നെല്ലൂളിത്താഴ ഒറേരി മീത്തല്‍ ദീപേഷ് (39) ആണ് മരിച്ചത്. ഇന്ന് ഉച്ചയ്ക്ക് ഒരുമണിയോടെയാണ് പാലക്കുളം റെയില്‍വേ ട്രാക്കില്‍ ട്രെയിന്‍ തട്ടി മരിച്ച നിലയില്‍ കണ്ടത്തിയത്.
വിവരമറിഞ്ഞ് കൊയിലാണ്ടി പോലീസും അഗ്‌നിരക്ഷാസേനയും സ്ഥലത്തെത്തുകയായിരുന്നു. ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. മൃതദേഹം നാളെ സംസ്‌ക്കരിക്കും.
അച്ഛന്‍: പരേതനായ ബാലകൃഷ്ണന്‍.
അമ്മ: ദേവി.