മഹാത്മാഗാന്ധിയുടെ ജീവിതവും ദര്‍ശനങ്ങളും പകരുന്ന പാഠങ്ങള്‍ സമൂഹത്തില്‍ വ്യാപിപ്പിക്കുക ലക്ഷ്യം; ഗാന്ധിസ്മൃതി പദയാത്ര നടത്തി മേപ്പയൂര്‍ ഗവ.വൊക്കേഷനല്‍ ഹയര്‍ സെക്കന്‍ഡറി സ്‌കൂളിലെ വിദ്യാര്‍ത്ഥികള്‍
മേപ്പയൂര്‍: മഹാത്മാഗാന്ധിയുടെ ജീവിതവും ദര്‍ശനങ്ങളും പകരുന്ന പാഠങ്ങള്‍ സമൂഹത്തില്‍ വ്യാപിപ്പിക്കുക എന്ന വലിയ ലക്ഷ്യവുമായി വിദ്യാര്‍ഥികള്‍ ഗാന്ധിസ്മൃതി പദയാത്ര നടത്തി. കീഴരിയൂര്‍ ക്വിറ്റ് ഇന്ത്യാ സ്മാരകത്തില്‍ നടന്ന പരിപാടി മേലടി ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് ഉദ്ഘാടനം ചെയ്തു. ഇരിങ്ങത്ത് പാക്കനാര്‍പുരം ഗാന്ധി സദനം സന്ദര്‍ശിച്ച് മേപ്പയൂര്‍ ടൗണില്‍ അവസാനിച്ച പദയാത്രയുടെ സമാപന സമ്മേളനം ചരിത്രകാരന്‍ പി.ഹരീന്ദ്രനാഥ് ഉദ്ഘാടനം ചെയ്തു.
ഹയര്‍സെക്കന്‍ഡറി വിഭാഗം നാഷണല്‍ സര്‍വീസ് സ്‌കീം റിപ്പബ്ലിക് ദിനമായ ജനുവരി 26 മുതല്‍ ഗാന്ധി രക്തസാക്ഷി ദിനമായ ജനുവരി 30 വരെ സംഘടിപ്പിച്ച ഗാന്ധിപര്‍വ്വം -25 എന്ന പരിപാടിയുടെ ഭാഗമായാണ് ഗാന്ധിയന്‍ ജീവിതപാഠങ്ങള്‍ പ്രമേയമായ പുസ്തകം പ്രചരിപ്പിച്ചത്. സുഹൃത്തിന് ഒരു സ്‌നേഹ ഭവനം നിര്‍മ്മിക്കാനാണ് എന്‍എസ്എസ് വളന്റിയര്‍മാര്‍ പുസ്തക ചലഞ്ചുമായി മുന്നിട്ടിറങ്ങിയത്.
മേപ്പയൂര്‍ ഗവ.വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ കഴിഞ്ഞ വര്‍ഷം പ്രസിദ്ധീകരിച്ച ‘ഗാന്ധി എന്ന പാഠശാല’ എന്ന പുസ്തകത്തിന്റെ ആയിരം കോപ്പികളുമായാണ് വിദ്യാര്‍ഥികള്‍ ഗ്രാമങ്ങളിലേക്കിറങ്ങിയത്. മേപ്പയൂര്‍ പഞ്ചായത്ത് പ്രസിഡന്റ് കെ.ടി.രാജന്‍ അധ്യക്ഷത വഹിച്ചു.
വിവിധ സ്വീകരണകേന്ദ്രങ്ങളില്‍ എന്‍ എസ് എസ് പ്രോഗ്രാം ഓഫീസര്‍ സി.എം.ഷാജു, എ.സുബാഷ് കുമാര്‍ ഐ.സജീവന്‍, എന്‍.എം.സുനില്‍കുമാര്‍, കെ.രഗീഷ്, കെ.ലോഹ്യ, സി.കെ.ലൈജു, പി.ശ്രീജിത്ത്, സി.എം. വിനോദ്, വി.മുജീബ്, അബ്ദുള്‍ സമദ്, ശ്രീനന്ദന, വി.പി.സതീശന്‍, എം.മുഹമ്മദ്, കെ.എം.ഗോപാലന്‍, എന്‍. ജയന്തി, സൂര്യഗായത്രി, ഷബീര്‍ ജന്നത്ത്, ശ്രീജേഷ് എടത്തും കര, മോഹനന്‍ പാഞ്ചേരി, സത്യന്‍ പൊയ്യത്ത്, അഞ്ജന പാഞ്ചേരി,പി.പ്രകാശന്‍, വി.വിജയന്‍, പി.കെ പ്രിയേഷ് കുമാര്‍, ഇ.കെ.ഗോപി ശ്രീജിത് വിയ്യൂര്‍, എസ്. ശ്രീചിത്, റാബിയ എടത്തിക്കണ്ടി, പി. പ്രശാന്ത്, എം.കെ. ഫൈസല്‍, വി.പി.ബിജു, ദിനേശ് പാഞ്ചേരി, ലിയ ശ്രീജിത്ത് എന്നിവര്‍ പ്രസംഗിച്ചു.