പയ്യോളി: ഹയർ സെക്കണ്ടറി, എസ്.എസ്.എൽ.സി. പരീക്ഷകളിൽ മുഴുവൻ വിഷയങ്ങളിലും എ പ്ലസ് നേടാൻ സാധിച്ചതിന്റെ സന്തോഷത്തിലാണ് പള്ളിക്കര സ്വദേശിനികളായ സഹോദരിമാർ. സബീഖ ഹയർ സെക്കണ്ടറി പരീക്ഷയിലും അനിയത്തി സൽവ എസ്.എസ്.എൽ.സി പരീക്ഷയിലുമാണ് തിളക്കമാർന്ന വിജയം സ്വന്തമാക്കിയത്. ‘ മീഡിയവൺ ‘ ചാനലിൻ്റെ ബഹറൈൻ റിപ്പോർട്ടറായ സിറാജ് പള്ളിക്കരയുടെയും ഹാജറയുടെയും മക്കളാണ് ഇരുവരും.

ചിങ്ങപുരം സി.കെ.ജി.എം. ഹയർ സെക്കണ്ടറി സ്കൂളിൽ നിന്നാണ് സബീഖ ഹയർ സെക്കണ്ടറി പഠനം പൂർത്തിയാക്കിയത്. സൽവ പുറക്കാട് വിദ്യാസദനം മോഡൽ സ്കൂളിൽ നിന്നാണ് എസ്.എസ്.എൽ.സി. കഴിഞ്ഞത്. നേരത്തെ വിദ്യാസദനം മോഡൽ സ്കൂളിൽ നിന്നും എസ്.എസ്.എൽ.സിക്ക് മുഴുവൻ വിഷയങ്ങളിലും എ പ്ലസ് നേടിയ ഇവരുടെ മൂത്തസഹോദരി സ്വാലിഹ ഇപ്പോൾ ശാന്തപുരം ഇസ് ലാമിയ കോളേജിൽ ഡിഗ്രി പഠനം നടത്തി വരുന്നു.