യാത്രാദുരിതത്തിന് അറുതി; മുചുകുന്ന് പാലയാടി താഴെ റോഡ് നാടിന് സമർപ്പിച്ചു
മൂടാടി: മൂടാടി ഗ്രാമപഞ്ചായത്തിലെ എട്ടാം വാര്‍ഡ് മുചുകുന്ന് സോമ-പാലയാടി റോഡ് ജനങ്ങള്‍ക്കായി തുറന്നു. മൂടാടി ഗ്രാമ പഞ്ചായത്ത് പ്രസിഡണ്ട് സി.കെ. ശ്രീകുമാര്‍ റോഡിന്റെ ഉദ്ഘാടനം നിര്‍വ്വഹിച്ചു.
വാര്‍ഡ് മെമ്പര്‍ സുനിത കക്കുഴിയില്‍ അദ്ധ്യക്ഷത വഹിച്ച ചടങ്ങില്‍ ജില്ലാ പഞ്ചായത്ത് മെമ്പര്‍ എം.പി. ശിവാനന്ദന്‍, വാര്‍ഡ് മെമ്പര്‍മാരായ ലതിക പുതുക്കുടി, ലത കെ.പി. എന്നിവര്‍ ആശംസ അര്‍പ്പിച്ചു സംസാരിച്ചു. എം.പി. അജിത സ്വാഗതവും, കെ.എം. കുഞ്ഞിക്കണാരന്‍ നന്ദിയും പറഞ്ഞു.