കാണാതായ കൊയിലാണ്ടി ബപ്പന്‍കാട് സ്വദേശിയെ കണ്ടെത്തി
കൊയിലാണ്ടി: കൊയിലാണ്ടി ബപ്പന്‍കാട് നിന്നും കാണാതായ ആളെ കണ്ടെത്തി. സൂത്രംകാട്ടില്‍ വീട്ടില്‍ എസ്.കെ രവീന്ദ്രനെ(58)യാണ് കണ്ടെത്തിയത്.
ഇന്നലെ എറണാകുളം കോതമംഗലത്തുവച്ചാണ് ഇയാളെ കണ്ടെത്തിയത്. ഡിസംബര്‍ അഞ്ചിന് ഉച്ചയ്ക്ക്‌ശേഷം വീട്ടില്‍ നിന്നും കാണാതായതിനെ തുടര്‍ന്ന് ബന്ധുക്കള്‍ കൊയിലാണ്ടി പോലീസിനെ വിവരമറിയിക്കുകയായിരുന്നു.
പോലീസ് അന്വേഷിക്കുന്നതിനിടയിലാണ് കേരള പ്രവാസി സംഘത്തിന്റെ വാട്‌സാപ്പ് ഗ്രൂപ്പില്‍ വന്ന വാര്‍ത്ത കണ്ട ഒരാള്‍ രവീന്ദ്രനെ തിരിച്ചറിയുകയായിരുന്നു.
സഹോദരിയുടെ വീട്ടിലേക്ക് പോയതെന്നാണ് വിവരം. രവീന്ദ്രന്‍ ഫോണ്‍ ഉപയോഗിക്കാത്ത ആളായതിനാലാണ് വിവരം ലഭിക്കാതിരുന്നത്. നിലവില്‍ രവീന്ദ്രനെ കണ്ടെത്തിയതായി ബന്ധുക്കളെ പോലീസ് വിവരമറിയിച്ചിട്ടുണ്ട്.