തിക്കോടി: തിക്കോടിയില്‍ ഇന്നലെ ട്രെയിനിടിച്ച് മരിച്ച മധ്യവയസ്‌ക്കനെ തിരിച്ചറിഞ്ഞില്ല. ഇന്നലെ പുലര്‍ച്ചെ രണ്ട് മണിയോടെയാണ് തിക്കോടി പഞ്ചായത്ത് ബസാര്‍ റെയില്‍വേ ഗേറ്റിന് സമീപം ട്രെയിന്‍തട്ടിമരിച്ച നിലയില്‍ കണ്ടെത്തിയത്.

നീല ഷര്‍ട്ടും പാന്റുമായിരുന്നു ഇയാളുടെ വേഷം. ആളെ തിരിച്ചറിയാത്തതിനാല്‍ മൃതദേഹം കോഴിക്കോട് മെഡിക്കല്‍ കോളേജില്‍ സൂക്ഷിച്ചിരിക്കുകയാണ്. ഇന്നലെ ഇയാളുടെ ഷര്‍ട്ടിന്റെ പോക്കറ്റില്‍ നിന്നും സിജോ എന്ന പേര് രേഖപ്പെടുത്തിയ കോഴിക്കോട് മെഡിക്കല്‍ കോളേജിലെ ഒ.പി ടിക്കറ്റ് ലഭിച്ചിരുന്നു.

ഇതിന്റെ അടിസ്ഥാനത്തില്‍ പയ്യോളി പോലീസ് നടത്തിയ അന്വേഷണത്തില്‍ ഇടുക്കി സ്വദേശിയാണെന്നായിരുന്നു നിഗമനം. എന്നാല്‍ വിശദ പരിശോധനയില്‍ ഇടുക്കി സ്വദേശി അല്ലെന്നാണ് പോലീസ് കണ്ടെത്തിയത്. ആയതിനാല്‍ പയ്യോളി പോലീസ് സ്‌റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്. ഇയാളെക്കുറിച്ച് എന്തെങ്കിലും വിവരം ലഭിക്കുന്നവര്‍ സ്‌റ്റേഷനില്‍ അറിയിക്കേണ്ടതാണ് പോലീസ് അറിയിപ്പ് നല്‍കിയിട്ടുണ്ട്. പയ്യോളി പോലീസ് സ്‌റ്റേഷന്‍: 04962602034.

Summary: The middle-aged man who died after being hit by a train in Thikodi yesterday has not been identified.