മുക്കം: മുക്കത്ത് വീട്ടില്‍ നിന്നും വഴക്കിട്ടിറങ്ങിയ പെണ്‍കുട്ടിയെ പ്രണയം നടിച്ച് യുവാവ് പീഡിപ്പിച്ച കേസില്‍ മുക്കം സ്വദേശിയായ യുവാവിനെ അറസ്റ്റ് ചെയ്തു. പെണ്‍കുട്ടിയെ വീട്ടില്‍ കൊണ്ടുപോയി പീഡിപ്പിച്ചു എന്ന കേസില്‍ മുക്കം സ്വദേശി അജ്മലിനെയാണ് അറസ്റ്റ് ചെയ്തത്.

കഴിഞ്ഞ വെളളിയാഴ്ചയാണ് കേസിന് ആസ്പദമായ സംഭവം. വീട്ടില്‍ നിന്നും മാതാപിതാക്കളുമായി വഴക്കിട്ടിറങ്ങിയ പെണ്‍കുട്ടി കുന്ദമംഗലം ബസ് സ്റ്റാന്‍ഡില്‍ പരിസരത്ത് നിന്ന് ഐസ്‌ക്രീം കഴിച്ചുകൊണ്ടിരിക്കെ പെണ്‍കുട്ടിയെ പ്രണയം നടിച്ച് മുക്കത്തെ വീട്ടില്‍ കൊണ്ടുപോയി പീഡിപ്പിക്കുകയായിരുന്നു.

തുടര്‍ന്ന് മുക്കം ടൗണില്‍ പെണ്‍കുട്ടിയെ ഉപേക്ഷിച്ച് കടന്നുകളയുകയായിരുന്നു. പെണ്‍കുട്ടിയെ കാണാനില്ലെന്ന് വീട്ടുകാരുടെ പരാതിയില്‍ അന്വേഷണം നടത്തിയപ്പോഴാണ് പെണ്‍കുട്ടിയെ  മുക്കം  ടൗണില്‍ നിന്നും കണ്ടെത്തിയത്. പെണ്‍കുട്ടിയുടെ മൊഴിയില്‍ നിന്നുമാണ് പീഡന വിവരം പോലീസ് അറിയുന്നത്. തുടര്‍ന്ന് കേസ് എടുക്കുകയും പ്രതിയെ ഇന്ന് പോലീസ് അറസ്റ്റ് ചെയ്യുകയായിരുന്നു. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.