വീരവഞ്ചേരി: വീരവഞ്ചേരി എൽ പി സ്കൂളിൽ അധ്യാപക ദിനത്തോടനുബന്ധിച്ച് മുതിർന്ന അധ്യാപകരെ ആദരിച്ചു. അധ്യാപകരായിരുന്ന ഒ രാഘവൻ മാസ്റ്റർ, പി നാരായണൻ മാസ്റ്റർ എന്നിവരെ പ്രധാന അധ്യാപികയായ ഗീത കെ കുതിരോടി, ജെ ആർ സി വിദ്യാർത്ഥികളും ചേർന്ന് വീട്ടിൽ ചെന്ന് പൊന്നാടയണിയിച്ചു ആദരിച്ചു. അധ്യാപകർ അവരുടെ അധ്യാപക അനുഭവങ്ങൾ കുട്ടികളുമായി പങ്കുവെച്ചു. അധ്യാപകരായ ശ്രീഹരി ടി പി, സുജാത ടി കെ, ആരിഫ എ എന്നിവർ നേതൃത്വം നൽകി.

അധ്യാപക വേഷമണിഞ്ഞു കുട്ടികൾ ക്ലാസ്സിൽ എത്തുകയും, ഇഷ്ടപെട്ട അധ്യാപകർക് ആശംസാകാർഡ് കൈമാറുകയും ചെയ്തു. അസംബ്ലിയിൽ അധ്യാപകദിനത്തിന്റെ പ്രാധാന്യം ഭവ്യ ടീച്ചർ കുട്ടികൾക്ക് വിശദീകരിച്ചു കൊടുത്തു.