പെരുമാള്‍പുരത്ത് സുരക്ഷ പെയിന്‍ ആന്റ് പാലിയേറ്റീവിന് പുതിയ ഓഫീസ് തുറന്നു; സമ്പൂര്‍ണ്ണ ഹോം കെയര്‍ പ്രഖ്യാപനം നടത്തി രക്ഷാധികാരി ചന്തുമാസ്റ്റര്‍
പയ്യോളി: സുരക്ഷ പെയിന്‍ ആന്റ് പാലിയേറ്റീവ് പയ്യോളി സോണല്‍ കമ്മിറ്റി ഓഫീസ് ഉദ്ഘാടനം പെരുമാള്‍പുരത്ത് സുരക്ഷ പെയിന്‍ ആന്റ് പാലിയേറ്റീവ് ജില്ലാ കമ്മിറ്റിയംഗം എം.പി.ഷിബു നിര്‍വ്വഹിച്ചു. പുതുക്കുടി ഹമീദ് അദ്ധ്യക്ഷത വഹിച്ചു. സമ്പൂര്‍ണ്ണ ഹോം കെയര്‍ പ്രഖ്യാപനം രക്ഷാധികാരി ചന്തു മാസ്റ്റര്‍ നിര്‍വ്വഹിച്ചു.
ജില്ലയില്‍ 12 സോണല്‍ കമ്മറ്റികളാണുള്ളത്. പയ്യോളി സോണല്‍ കമ്മറ്റിക്ക് കീഴില്‍ ഒന്‍പത് മേഖലാ കമ്മിറ്റികളിലായി 50 യൂണിറ്റുകളിലായി 318 കിടപ്പു രോഗികള്‍ റജിസ്റ്റര്‍ ചെയ്തിട്ടുണ്ട്.
പരിപാടിയില്‍ സുരക്ഷ പെയിന്‍ ആന്റ് പാലിയേറ്റീവ് ജില്ലാ കണ്‍വീനര്‍ അജയന്‍, ഡി. ദീപ, പി.ജനാര്‍ദ്ദനന്‍ എന്നിവര്‍ സംസാരിച്ചു. കെ വിജയരാഘവന്‍ മാസ്റ്റര്‍ സ്വാഗതവും, കെ.സത്യന്‍ നന്ദിയും രേഖപ്പെടുത്തി.
