കൊയിലാണ്ടി: കായലാട്ട് രവീന്ദ്രൻ അനുസ്മരണ സമിതിയുടെയും സിപിഐ കോതമംഗലം ബ്രാഞ്ച് കമ്മിറ്റിയുടെയും ആഭിമുഖ്യത്തിൽ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ആദരിച്ചു. മുഴുവൻ വിഷയങ്ങളിലും എ പ്ലസ് നേടിയ പ്രതിഭകളെ പുസ്തകങ്ങൾ നൽകിയാണ് അനുമോദിച്ചത്.

കൊയിലാണ്ടി നഗരസഭ സ്റ്റാന്റിംഗ് കമ്മിറ്റി ചെയർമാൻ ഇ.കെ അജിത്ത് ഉദ്ഘാടനം ചെയ്തു. കായലാട്ട് ഗിരിജ അധ്യക്ഷത വഹിച്ചു. കെ.കെ.സുധാകരൻ,ടി.എം.സുരേഷ്കുമാർ, കെ.കെ.സജീവൻ, കെ.കെ.കൃഷ്ണൻ എന്നിവർ സംസാരിച്ചു. ഏ.ടി. സദാനന്ദൻ സ്വാഗതവും കെ.ടി.വിവേക് കുമാർ നന്ദിയും പറഞ്ഞു