ഭക്തിസാന്ദ്രമായ നിമിഷങ്ങള്‍; ചിങ്ങപുരം ശ്രീ മഹാവിഷ്ണു ക്ഷേത്രത്തില്‍ ശ്രീമദ്ഭാഗവത സപ്താഹയജ്ഞം നടന്നു
തിക്കോടി: ഭക്തജന സാന്നിധ്യത്തില്‍ ചിങ്ങപുരം ശ്രീ മഹാവിഷ്ണു ക്ഷേത്രത്തിലെ നാലമത് ശ്രീമദ്ഭാഗവത സപ്താഹയജ്ഞം നടന്നു. മേല്‍ശാന്തി അശോക് ഭട്ട് ദീപപ്രേജ്വലനം നടത്തി ആരംഭിച്ചു. ശ്രീമദ്ഭാഗവത സപ്താഹയജ്ഞത്തില്‍ അതിപ്രശസ്തനായ പഴേടം വാസുദേവന്‍ നമ്പൂതിരിയെ ക്ഷേത്രം സെക്രട്ടറി രാഘവന്‍ നായര്‍ തയ്യുള്ളതില്‍ പൊന്നാടയണിയിച്ച് ആദരിച്ചു.
തുടര്‍ന്ന് ശ്രീമദ് ഭാഗവത മാഹാത്മ്യ പ്രഭാഷണവും നടന്നു. സപ്താഹ കമ്മറ്റി ചെയര്‍മാര്‍ രവി മാസ്റ്റര്‍ വീക്കുറ്റിയില്‍ അധ്യക്ഷത വഹിച്ചു. കണ്‍വീനര്‍ പത്മനാഭന്‍ സുരഭി, ക്ഷേത്ര കമ്മറ്റി പ്രസിഡണ്ട് രൂപേഷ് കൂടത്തില്‍, വേണു മാസ്റ്റര്‍ കൃഷ്ണഗിരി എന്നിവര്‍ സംസാരിച്ചു.