വാസുദേവാശ്രമം ഗവ ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യൂണിറ്റ് നിര്‍മ്മിച്ച ‘സ്‌നേഹാരാമം’ കീഴരിയൂരിനായി സമര്‍പ്പിച്ചു
നടുവത്തൂര്‍: കീഴരിയൂരില്‍ ശ്രീവാസുദേവാശ്രമം ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ നിര്‍മ്മിച്ച സ്‌നേഹാരാമം ഉദ്ഘാടനം ചെയ്തു. കീഴരിയൂര്‍ ഗ്രാമപഞ്ചായത്തിലെ എട്ടാം വാര്‍ഡിലാണ് സ്‌നേഹാരാമം നിര്‍മ്മിച്ചത്. കാടു പിടിച്ച് ഉപയോഗ ശൂന്യമായ പ്രദേശങ്ങള്‍ സൗന്ദര്യവല്‍ക്കരിക്കുന്ന പ്രവര്‍ത്തനമാണ് സ്‌നേഹാരാമം.
കീഴരിയൂര്‍ ഗ്രാമപഞ്ചായത്ത് പ്രസിഡന്റ് ശ്രീമതി കെ കെ നിര്‍മ്മല ടീച്ചര്‍ ഉദ്ഘാടനം ചെയ്തു. ചടങ്ങില്‍ പഞ്ചായത്ത് വൈസ് പ്രസിഡന്റ് എന്‍.എം സുനില്‍ കുമാര്‍ അധ്യക്ഷത വഹിച്ചു. കീഴരൂര്‍ ഗ്രാമപഞ്ചായത്ത് അസിസ്റ്റന്റ് സെക്രട്ടറി പ്രിയ, ഹെല്‍ത്ത് ഇന്‍സ്‌പെക്ടര്‍ അനുന, ക്ഷേമ സ്റ്റാന്‍ഡിങ് കമ്മിറ്റി ചെയര്‍മാന്‍ ഐ. സജീവന്‍ മാസ്റ്റര്‍ വാര്‍ഡ് മെമ്പര്‍മാരായ കെ.സി രാജന്‍, ജയജ ടീച്ചര്‍, സ്‌കൂള്‍ പ്രിന്‍സിപ്പാള്‍ അമ്പിളി കെ.കെ, വിനീത് കെ.പി, ഷാജി. ഐ, രാജേഷ് കിഴക്കേ മാലോല്‍ എന്നിവര്‍ പങ്കെടുത്തു. ഫിബ റഹ്‌മാന്‍ സ്വാഗതവും വൈഷ്ണവി ജെ.ആര്‍ നന്ദിയും പ്രകാശിപ്പിച്ചു.