ഇസ്രയേൽ കൂട്ടക്കുരുതിക്കെതിരെ കൊയിലാണ്ടിയിൽ എസ്.കെ.എസ്.എസ്.എഫ്, എസ്.വൈ.എസ് യുദ്ധവിരുദ്ധ സമാധാന റാലി; പങ്കെടുത്തത് നിരവധി പേര്‍
കൊയിലാണ്ടി: ഇസ്രയേൽ കൂട്ടക്കുരുതിക്കെതിരെ എസ്.കെ.എസ്.എസ്.എഫ്, എസ്.വൈ.എസ് കൊയിലാണ്ടിയിൽ യുദ്ധവിരുദ്ധ സമാധാന റാലി സംഘടിപ്പിച്ചു. മീത്തലക്കണ്ടി മസ്ജിദുൽ കബീർ പരിസരത്ത് നിന്നും ആരംഭിച്ച റാലി പുതിയ ബസ് സ്റ്റാന്റില്‍ സമാപിച്ചു.
അഹമ്മദ് ദാരിമി, മുഹ്‌യിദ്ദീൻ ദാരിമി, ആരിഫ് കൊയിലാണ്ടി നേതൃത്വം വഹിച്ചു. അൻസാർ കൊല്ലം അധ്യക്ഷനായി. ജഅഫർ ദാരിമി ആമുഖ പ്രഭാഷണവും, നിയാസ് ദാരിമി മേപ്പയ്യൂർ ഐക്യദാർഡ്യ പ്രഭാഷണവും നിർവഹിച്ചു.
സി.പി.എ സലാം, സയ്യിദ് അൻവർ മുനഫർ, ഹാമിദ് ബാത്ത, അനസ് മാടാക്കര, കരീം മൂടാടി, റിയാസ് മൊകേരി എന്നിവര്‍ സംസാരിച്ചു. ഷംസീർ പാലക്കുളം സ്വാഗതവും, ഫായിസ് മാടാക്കര നന്ദിയും പറഞ്ഞു.