തായമ്പകയില്‍ അരങ്ങേറ്റം കുറിച്ച് കൊരയങ്ങാട് ക്ഷേത്രവാദ്യ സംഘത്തിലെ ആറ് കുരുന്നുകള്‍
കൊയിലാണ്ടി: തായമ്പകയില്‍ അരങ്ങേറ്റം കുറിച്ച് കൊരയങ്ങാട് ക്ഷേത്ര വാദ്യ സംഘത്തിലെ ഇളം തലമുറയിലെ ആറ് പേര്‍. ഒരുപെണ്‍കുട്ടിയടക്കം ആറ് പേരാണ് തായമ്പകയില്‍ അരങ്ങേറ്റം നടത്തിയത്. വാദ്യ രംഗത്തെ വാഗ്ദാനമായ കലാമണ്ഡലം ഹരിഘോഷിന്റെ ശിക്ഷണത്തില്‍ തായമ്പക അഭ്യസിച്ച ദേവരാഗ്, ഗായത്രി അമിത്ത്, അഭിനന്ദ്, മേഹുല്‍ സജീവ്, വി.വി.നിഖില്‍, അര്‍ജുന്‍ കൂത്തുപറമ്പ് തുടങ്ങിയവരാണ് തായമ്പക കൊട്ടി അരങ്ങേറ്റം നടത്തിയത്.
വാദ്യ രംഗത്തെ പ്രമുഖരുടെ നിറസാന്നിധ്യത്തിലായിരുന്നു അരങ്ങേറ്റം. ക്ഷേത്ര കാരണവര്‍, കളിപ്പുരയില്‍ രവീന്ദ്രന്‍, ക്ഷേത്ര കമ്മിറ്റി പ്രസിഡണ്ട് പി.പി.രാമകൃഷ്ണന്‍, ഉത്സവാഘോഷ കമ്മിറ്റി ചെയര്‍മാന്‍ ഒ.കെ.ബാലകൃഷ്ണന്‍, ജന: സെക്രട്ടറി കെ.കെ.വിനോദ് മാര്‍ഗനിര്‍ദേശം നല്‍കി. ഹരിഘോഷിനെയും, ചെണ്ട ഗുരുക്കള്‍ ടി.ടി ഷാജിയെയും അരങ്ങേറ്റം നടത്തിയവരെയും പൊന്നാടയണിയിച്ചു.