പേരാമ്പ്ര: എസ്.എഫ്.ഐ പേരാമ്പ്ര ഏരിയ സെക്രട്ടറി അമല്‍ജിത്തിനെ പേരാമ്പ്ര എസ്.ഐ മര്‍ദ്ദിച്ചതായി പരാതി. സി.കെ.ജി കോളേജില്‍ ഓണാഘോഷത്തിനിടെയുണ്ടായ സംഘര്‍ഷം ഉടലെടുത്തിരുന്നു. ഇതുസംബന്ധിച്ച കാര്യം അന്വേഷിക്കാനായി കോളേജിലെത്തിയപ്പോള്‍ എസ്.ഐ തന്നെ പിടിച്ച് പുറത്താക്കാന്‍ ശ്രമിക്കുകയും ലാത്തികൊണ്ട് മര്‍ദ്ദിക്കുകയും ചെയ്‌തെന്ന് അമല്‍ജിത്ത് കൊയിലാണ്ടി ന്യൂസ് ഡോട് കോമിനോടു പറഞ്ഞു.

എസ്.എഫ്.ഐ ഏരിയ സെക്രട്ടറിയാണെന്നും ക്യാമ്പസില്‍ നടന്ന പ്രശ്‌നങ്ങളെക്കുറിച്ച് അന്വേഷിക്കാന്‍ വന്നതാതണെന്നും പ്രിന്‍സിപ്പലുമായി സംസാരിക്കണമെന്നും പറഞ്ഞെങ്കിലും എസ്.ഐ തന്നെ മര്‍ദ്ദിക്കുകയായിരുന്നെന്നാണ് അമല്‍ജിത്ത് പറയുന്നത്. ഷര്‍ട്ട് പിടിച്ച് വലിച്ച് കീറുകയും ലത്തികൊണ്ട് പുറത്ത് അടിക്കുകയും ചെയ്തു. വ്യാഴാഴ്ചയായിരുന്നു സംഭവം. ഇതുസംബന്ധിച്ച് പേരാമ്പ്ര സി.ഐയ്ക്ക് പരാതി നല്‍കിയിട്ടുണ്ടെന്നും അമല്‍ജിത്ത് പറഞ്ഞു.

സംഭവത്തില്‍ പ്രതിഷേധിച്ച് എസ്.എഫ്.ഐ പേരാമ്പ്ര ഏരിയ കമ്മിറ്റിയുടെ നേതൃത്വത്തില്‍ പ്രകടനം നടത്തി.