വിസ്മയിപ്പിക്കുന്ന കലാപ്രകടനവുമായി സിങ്കുവും സംഘവും; പൂക്കാട് കലാലയത്തില്‍ പ്രവേശനോത്സവം
പൂക്കാട്: പൂക്കാട് കലാലയത്തില്‍ 2024-2025 വര്‍ഷത്തിലെ പുതിയ കലാ പഠന ക്ലാസ്സുകളുടെ ഭാഗമായി പ്രവേശനോത്സവം സംഘടിപ്പിച്ചു. പ്രവേശനോത്സവം പ്രശസ്ത എഴുത്തുകാരന്‍ രമേഷ് കാവില്‍ ഉദ്ഘാടനം ചെയ്തു. യു.കെ.രാഘവന്‍ മാസ്റ്റര്‍ അധ്യക്ഷനായിരുന്നു.
യോഗത്തില്‍ ശിവദാസ് കാരോളി, സുനില്‍ തിരുവങ്ങൂര്‍, ശിവദാസ് ചേമഞ്ചേരി, കെ.ശ്രീനിവാസന്‍, വിജയന്‍ അരങ്ങാടത്ത്, സൂര്യ ടിവി പ്രതിനിധി അനില്‍ എന്നിവര്‍ സംസാരിച്ചു. നൃത്തം, സംഗീതം, വാദ്യം ചിത്രം എന്നീ ഇനങ്ങളിലായി വൈവിധ്യമാര്‍ന്ന കലാപരിപാടികളും അരങ്ങേറി. സൂര്യ ടിവിയിലെ സിങ്കുവും സംഘവും നേതൃത്വം നല്‍കിയ വിസ്മയകരമായ കലാപ്രകടനം വീക്ഷിക്കാന്‍ ആയിരക്കണക്കിന് വിദ്യാര്‍ഥികളാണ് കലാലയത്തില്‍ എത്തിച്ചേര്‍ന്നത്.